InfoHub Logo

Daryndy oqýshylardy damytý tujyrymdamasy

Maqsaty:
«Tabıǵı daryndylyǵy, qabileti bar oqýshylardy anyqtaý, beıimi men qyzyǵýshylyqtaryna baılanysty bilim, bilik, daǵdylaryn damytý, shyǵarmashylyq qabiletterin damytyp, shyńdaý jáne ǵylym jolyna baǵyt baǵdar berý, potensıaldy qabiletterin júzege asyrýǵa qoldaý jasaý»
Mindeti:
1. Daryndy balalarmen jumysta pedagogtardy normatıvtik – quqyqtyq qujattarmen qamtamasyz etý;
2. Mektep oqýshylary arasynan tabıǵı qabiletti oqýshylardy anyqtaý jáne sol oqýshylardyń arasynan daryndy oqýshylardy shyǵarý;
3. Mekteptiń bilim berý ortasynda daryndy jáne qabiletti balalardyń damýyna jaǵdaı jasaý;
4. Daryndy balalardy damytý jáne olarǵa qoldaý kórsetý. Bilimderin kórsetý úshin ártúrli pán olımpıadalaryna, ǵylymı joba qorǵaý saıystaryna, ıntellektýaldy, shyǵarmashylyq saıystarǵa qatystyrý.
5. Daryndy, qabiletti oqýshylardyń ózindik oılaýlaryn, shyǵarmashylyqtary men belsendilikterin damytý jáne yntasyn arttyrý maqsatynda oqytý men oqýdaǵy jańa ádis - tásilderdi, ınovasıalyq tehnologıalardy júıeli qoldaný.

Daryndy balalarmen júrgiziletin jumystyń negizgi qaǵıdalary:
- Jeke tulǵanyń damýyna ártúrli múmkindikter berý;
- Oza jáne damyta oqytý;
- Jekeleı jáne saralaı oqytý prınsıpin qoldaný;
- Kez kelgen jaǵdaıdy ózin erkin jáne qolaıly sezinýine jaǵdaı jasaý;
- Oqýshylardyń birlese otyryp jumys jasaýyna jaǵdaı jasaý;
- Oqýshylardyń qyzyǵýshylyqtary men beıimine qaraı qosymsha kýrsty tańdaý quqyǵyn berý;
- Synyptan tys árekettiń rólin arttyrý;
- Tózimdi bolý;
- Oqýshy men muǵalim arasyndaǵy yntymaqatastyrylǵan jumystyń nátıjeliligi.

Daryndylyqtyń baǵyttary jáne damytý joldary:
1. Jalpy ıntellektýaldy daryndylyq:
- pándik olımpıadalar, jarystarǵa qatystyrý;
- qashyqtyqtan oqytý olımpıadalaryna qatystyrý;
- ıntellektýaldy, shyǵarmashylyq saıystarǵa qatystyrý;
- mektepishilik oqýshylardyń ǵylymı qoǵamyna múshe bolý / «Daryn»- 8 - 11 synyptar, «Zerde»- 1 - 7 synyptar/;
2. Kórkemdik – shyǵarmashylyq daryndylyq:
- oqýshylardyń qyzyǵýshylyqtaryna qaraı úıirmeler, ár túrli konkýrstar;
- konsertter, festıváldar, kórmelerge qatysýy;
3. Sporttyq daryndylyq
- seksıalar, jarystar, jıyndarǵa qatysý.

Daryndy balalarmen júrgiziletin jumystyń túrleri:
1. Daryndy oqýshylarmen júrgiziletin toptyq jáne jeke jumys túrleri;
2. Mektep komponentinen beriletin fakúltatıv sabaqtardy júrgizý;
3. Ártúrli pánder boıynsha oqýshy komponentinen beriletin tańdaý kýrstaryn júrgizý;
4. Qyzyǵýshylyqtaryna qaraı úıirmeler men sport seksıalaryna qatysý;
5. Ár túrli ıntellektýaldy, shyǵarmashylyq, sporttyq saıystar júrgizý (taqyryptyq sýret kórmeleri, mánerlep oqý saıystary, «Jobalar aptalyǵy», «Altyn oımaq») t. b.;
6. Ǵylymı - praktıkalyq konferensıa, zertteý - shyǵarmashylyq saıystar ótkizý.