InfoHub Logo

Ata-ana men bala arasyndaǵy qarym-qatynasty zertteý jáne túzetý jumystary

Trenıń maqsaty: ata - analar men bala arasynda jaqyndyq qalyptastyrý, qarym - qatynastyń erekshelikterin psıhologıalyq jattyǵýlar arqyly kórsetý.
Ótkiziletin kúni: 28. 11. 2012jyl.
Qatysýshylar: ata - analar
Kórnekiligi: paraq jáne qalamsap.
Kútiletin nátıje: trenıń barysynda ata - analar balany túsinip, kez kelgen jaǵdaıda qarym - qatynasta bir - birin túsine bilý.
Trenıń jospary:
1. Kirispe
2. «Tanystyrý» trenıńi
3. «Men túsinemin» trenıńi
4. Saýalnama
5. «Tilek bildirý» trenıńi
6. Qorytyndy

Trenıń barysy:
1. Kirispe.
Adamdar arasyndaǵy qarym - qatynasta adamgershilik, ádep - ınabat úrdisteriniń qanshalyq keń jaıylyp, tereń tamyrlanýy, eń aldymen, olardyń jekelegen otbasynda órken jaıýyna, ıaǵnı balanyń ata - anasyn jan - júrek qalaýymen, sanaly túrde ardaqtap, qurmetteýine, ınabat taǵylymyn úlkenderden úırene otyryp, olardyń ózderine degen qarym - qatynastarynda múltiksiz júzege asyryp otyrýlaryna baılanysty.
Bala tárbıesi – qyzyǵy men qıynshylyǵy qatar júretin kúrdeli proses.
Ata - analardyń jastyǵy men bala tárbıesindegi tájirıbeniń joqtyǵy, bolmasa tárbıe jumystarynda tek qana óz oılary men kózqarastaryna ǵana júginýi nemese qajetti pedagogıkalyq bilimderiniń jetispeýshiligi saldarynan tárbıe prosesteri kóptegen qatelikterge ushyrap otyrady.
Sondyqtan da mektep ómirindegi ata - analardyń pedagogıkalyq bilimin jetildirý, mádenıetin arttyrý, bala tárbıesine belsene aralastyrý, sonyń nátıjesinde ata - anany balanyń alǵashqy ustazyna aınaldyrý maqsatynda uıymdastyrylatyn semınar trenıńterdiń mańyzy orasan zor.

2. «Tanystyrý» trenıńi. Qatysýshylar ózderin bir úlgidegi kóılek retinde tanystyrady. Iaǵnı, tanystyrý barysynda qandaı matadan, qaıdan shyqqany, qandaı úlgide jasalǵan, oǵan salynatyn beıneler túrinde tanystyrady. Mysaly, «maǵan kókshil tústi týra, keýdesinde qazaqqa tán oıýlar salynǵan, jaǵasy joq, aldyńǵy jaǵy tórtburyshty bop oıylǵan, jumsaq hb matadan tigilgen, jeńi uzyn, óte uzyn emes tizege keletin, Gúljan atty fırmadan shyqqan kóılekti tańdar edim» dep tanystyrady.

3. «Men túsinemin» trenıńi. Munda ata - analar óz balalary týraly aıtady. Iaǵnı, onyń ata - anasyn qýantatyn jáne renjitetin jaǵdaılardy paraqqa túsiredi jáne qorǵaıdy.
1) Meni balam qýantady...
2) Meni balam renjitedi...
Taldaý: - qaı jaǵy kóp boldy? Qýantatyn sátteri ma, álde renjitetin sátteri ma?
- nelikten ol jaǵy kóp dep oılaısyz?
- Onyń kóp bolýyna ata - ananyń áseri bar dep oılaısyz ba?

4. Saýalnama. Ata - analarǵa arnalǵan.
Maqsaty: ata - ana men bala arasyndaǵy qarym - qatynasty anyqtaý.

5. «Tilek bildirý» trenıńi. Munda bir - birińizge tilek aıtasyzdar, ıaǵnı aıtý kezinde ol adamdy qushaqtap turyp nemese basqalaı da is - qımylmen tilek bildiresiz.
Taldaý: - sizge tilek bildirgende qalaı sezindińiz?
- sizge tilekti shynaıy aıtty ma?
- siz aıtylǵan tilekti qalaı qabyl aldyńyz?

6. Qorytyndy. Adam ómiriniń máni men sulýlyǵy, adamnyń keleshegine senimdiligi - balanyń ata - anasyn ardaq tutyp, óziniń perzenttik qaryzyn bir sátke de esinen shyǵarmaýynda. Bul – jas urpaqtyń mádenıettiligin, ádeptiliginiń ǵana emes, eń aldymen, adamshylyǵynyń belgisi.
Bala – ata - ana ómiriniń jalǵasy. «Balamnyń tabanyna kirgen shóńge meniń mańdaıyma kirsin» dep álpeshtep ósirgen perzenti aýyryp ne basqa bir qater tóngende moıyndaryna burshaǵyn salyp, «Ózimdi alyp, balamdy aman qaldyr!» dep qudaıǵa jalbarynǵan ata - analarymyz aman - esen júrsin degen tilekpen búgingi sabaǵymyzdy aıaqtaımyz.