InfoHub Logo

Sabaqtyń taqyryby: Daýyssyz q men ǵ
Sabaqtyń maqsaty: «Q» dybysynan aıaqtalǵan sózge daýysty dybys jalǵansa, «Q» dybysynyń «Ǵ» dybysyna aınalatynyn meńgertý.
Bilimdilik: «Q» dybysynyń barlyq býyndarda kele beretinin, al «Ǵ» dybysynyń sóz basynda jáne ortasynda keletinin, sóz sońynda jazylmaıtynyn baıqatý.
Damytýshylyq: Oqýshylardyń baıqampazdyǵyn, oılaýyn, baılanystyryp sóıleý tilin, sózdik qoryn damytý.
Tárbıelik: Oqýshylardy uqyptylyqqa, jazý kollegrafıasyna kóńil bólip, kórkem jaza bilýge baýlý, bilim, bilik daǵdylaryn qalyptastyrý.
Sabaqtyń túri: Aralas sabaq
Sabaqtyń ádisteri: problemalyq, izdenýshilik.
Kórnekilikteri: plakat, kespe qaǵazdar.

Sabaqtyń barysy
İ. Uıymdastyrý bólimi
Psıhologıalyq daıyndyq
Kel, balalar, oınaıyq,
Oınaıyq ta, oılaıyq.
Qaı tapsyrma bolsa da
Oryndamaı qoımaıyq.

İİ. Úı tapsyrmasyn tekserý
(119 – jattyǵý tekserý)
M: Sózderge ý dybysy jalǵanǵanda qandaı ózgeris boldy?
O:
M: Tap, jap bolyp aıtylady
Oı ashar. (taqtadan oqý)
Qolǵap – qolǵaby
dop - doby
Tártip – tártibi
qorap - qoraby
Talap – talaby
mektep – mektebi
M: Sonymen, kim erejesin aıtyp jiberedi?
O: P dybysyna aıaqtalǵan sózden keıin daýysty dybys kelse, p dybysy b dybysyna aınalady.
M: Endi balalar, myna sózderdi oqyp kóreıik.
Qalaq – qalaǵy ---------------- qasyq - qasyǵy
Ushaq – ushaǵy --------------------- qalpaq - qalpaǵy
Mysyq – mysyǵy --------------------- pyshaq – pyshaǵy
M: Balalar, aldyńǵy bergen erejeni osy oqylǵan sózderge de aıtýǵa bola ma? Endeshe qaıta aıtaıyq. (1 - 2 baladan suraý)
O:
M: Tek neni ózgertip aıttyńdar?
O:
M: Sonymen bizdiń jańa sabaǵymyz «Daýyssyz q men ǵ» dep atalady.
121 - jattyǵý. Óleńdi kóshirip jazý. Kúrdeli tapsyrmany oryndaý. Sóz sońyndaǵy «q» dybystyń «ǵ» dybysyna aınaldy.
Oı qozǵaý.
M: Balalar, kitaptaǵy erejeni oqımyz. Ne baıqadyńdar? Uqsas pa? Aıyrmashylyǵyn tap. Aıyrmashylyǵy – «ǵ» árpi sózdiń sońynda jazylmaıdy. Aýyzsha «q» dybysynyń sóz sońynda jazylmaıdy. Osyǵan baılanysty 120 - jattyǵý jaraımyz. Aýyzsha «q» dybysynyń sońynda, basynda, ortasynda jazylyp, aıaǵynda jazylmaıtynyna kóz jetkizý.
Kórkem jazý
Sergitý sáti
Ornymyzdan turamyz
Eki qanat jaıamyz
Qarlyǵash bop ushamyz
Kók aspandy qushamyz
Jerge kelip qonamyz.
Ornymyzdy tabamyz.
M: Balalar aldymyzda qandaı mereke kele jatyr?
O:
M: ıa, 25 qazan Respýblıka kúni. Sol merekege baılanysty, qazir Terme dıktantyn oryndaımyz. Men óleńdi oqyp beremin, sender tyńdap otyryp «Q» dybysynan estilgen sózderdi terip jazasyńdar.
Aqjaıyq, Altaı arasy,
Qazaqtyń shalqar dalasy
Respýblıkama qarashy!
M: Bul óleńde Aqjaıyq, qazaqtyń, shalqar, qarashy. Erejege sáıkes keletin sózder bar ma? Bolsa erejege sáıkestep aıtaıyq.
Aqjaıyq – Aqjaıyǵy
Qazaq – qazaǵy
M: Avtor óleńdi qandaı sezimmen jyrlap tur?
O:
Oıyn: «Tizbek» dıdaktıkalyq oıyn
Sharty: Japyraqtyń syrtyna jazylǵan sózge bir oqýshy «y» dybystaryn qosyp aıtyp, artynda otyrǵan oqýshyǵa beredi. Ol oqýshy sol sózben sóılem oılaıdy. Mys: sabaq - sabaǵy. Asan sabaǵyna daıyndaldy. Oraq, urshyq, qabaq, jolaq, paraq.
Jeńgen qatardy shyǵarý.
M: Sonymen, biz búgin qandaı erejemen tanystyq?
O:
Úıge tapsyrma berý
M: 123 - jattyǵý, ereje jattaý
Baǵalaý
M: Sabaqqa jaqsy qatysqan oqýshylardy maqtaý ádisi arqyly baǵalaımyn.