InfoHub Logo

Qazirgi Qazaqstanda bilim berý salasy qarqyndy damyp, táýelsizdik alǵannan qazirgi ýaqytqa deıin etek alyp kele jatqan úrdisterdiń biri dintanýshy mamandardy daıarlaý bolyp tabylady. Dintanýshy stýdentter bakalavrıat, magıstratýra jáne doktorantýra deńgeılerinde oqytylyp, óz isiniń bilikti mamany bolyp shyǵýǵa baǵyttalady.

Alǵashynda dintaný pán retinde Eýropa elderinde qalyptasqany belgili. Jáne ońyń qalyptasýy men damý úderisinde birte-birte eki jetekshi baǵyt qalyptasqany anyq. Birinshi baǵyt dintanýdy ǵylymı túrde oqytatyn pán retinde qalyptastyryp, ekinshi baǵytta dintanýdy din arqyly oqytýdy qalyptastyrdy.

«Dintaný negizderi» pániniń maqsattarynyń biri– din jáne dinı nanymdar týraly jalpyǵa bilim bere otyra buqaranyń dinı saýatyn qalyptastyrý, oqýshylar men talapkerlerdiń rýhanı-adamgershilik qasıetterin damytý. Belgili bir dindi nasıhattaý jáne taratý maqsaty kózdelmegen, tolyǵyraq aıtqanda pán zaıyrly sıpatta oqytylady.

Dintaný pániniń oqytylý aıasyn keńeıtý jáne bilikti mamandardy daıyndaý qazirgi Qazaqstannyń dinı ahýaly jáne konfesıalyq keńistiktiginiń alýan túrli bolýymen tikeleı baılanysty jáne osy jaǵdaıynda da óte mańyzdy. Barlyq mektepter men bilim alý ordalarynda dintaný salasynda júıeli ári sapaly bilimniń berilýi Qazaqstannyń bolashaqtaǵy jáne qazirgi ishki turaqtylyǵynyń saqtalýyna septigin tıgizetini aıqyn.

Nursadyq A. jetekshisi fılosofıa ǵylym kandıdaty, dintaný jáne mádenıettaný kafedrasynyń aǵa oqytýshysy Kantarbaeva.J.Ý.

---