InfoHub Logo

Sabaqtyń taqyryby: Dostyq ólkesiniń zańy
Sabaqtyń maqsaty:
Bilimdiligi: Óleńdi ómirmen baılanystyra otyryp, óleń mazmunyn meńgerý, óleńdegi izgi qasıetterdi tanı otyryp, olardy óz boılarynan tanı bilýge úıretý, oqýshylardyń dostyq týraly túsinikterin keńeıtý.
Damytýshylyq: Oqýshylardyń mánerlep oqý, sóıleý daǵdysyn qalyptastyrý, oılaý qabiletterin damytý.
Tárbıeligi: Oqýshylardy adaldyqqa ,shynshyldyqqa tárbıeleý. Ózimshildik, menmendik, taǵy basqa jaman ádetten aýlaq júrýge úıretý.

Tıpi: jańa sabaqty meńgertý
Túri: aralas sabaq
Ádisi: ınteraktıvti ádis, algorıtmdik keste, toptyq jumys, áńgimeleý, suraq-jaýap.
Kórnekiligi: ınteraktıvti taqta, plakattar
Pánaralyq baılanys: qazaq tili, dúnıetaný, beıneleý.

Sabaqtyń barysy:
İ. Uıymdastyrý kezeńi.
Kóktem mezgilin beınetaspadan kórsete otyryp, búgingi kúnge jylylyq tilep sabaǵymyzdy bastaıyq.
İ top. Biz ózimizge jáne barlyq adamdarǵa baqyt, densaýlyq tileımiz.
İİ top. Biz barlyq elge tynyshtyq tileımiz.
İİ top. Kún sáýlesi nuryn shashyp tursyn!
Jańa sabaq.
Káne, balalar, biz qazir ózimizdi sýret kórmesinde júrmiz dep sezineıik. Sýret kórmesine barǵandaryń bar ma? Onda ne bolady?
Onda ataqty sýretshilerdiń shyǵarmalary bolady.
Sender qazaqtan shyqqan qandaı sýretshilerdi bilesińder? (Oqýshylar jaýaby)

Avtor týraly aıtý.
Interaktıvti taqtadan M. Shahanovtyń portreti, ómir deregi:
M. Shahanov – aqyn. 1942 jyly 2 shildede ońtústik Qazaqstan oblysy, Otyrar aýdany Shilik aýdanynda týǵan. «Lenınshil jas» gazetine menshikti tilshi, Qazaqstan jazýshylar odaǵy basqarmasynyń hatshysy «Jalyn» jýrnalynyń bas redaktory t.b. qyzmetter atqardy. KSRO halyq depýtaty, KSRO Joǵary Keńesiniń múshesi, QR Halyq depýtaty.