InfoHub Logo

Dýadaq — óte iri qustardyń biri, eresek atalyq dýadaqtyń salmaǵy 16 kg jetedi. Kúshti uzyn aıaqtarynda keskindi keýdesi, uzyn jýan moınynda kishileý basy ornalasqan jáne tumsyǵynyń shetinde «murty» — qatty qaýyrsyndary bolady. Qazirgi kezde tyrnatárizdiler otrády, dýadaqtar tuqymdasynda nebary 22 túr ǵana bar, onyń úsheýi Qazaqstanda tirshilik etedi (dýadaq, bezgeldek, jekdýadaq).

Dýadaq — buıyǵy jáne saq qus. Egistik alqaptaryn mekendeıdi, uıasy jerde bolady, uıasyna 2-3 jumyrtqa salady. Jumyrtqalaryn analyǵy basady, al atalyǵy olardy qorǵap, mańynda júredi. Dýadaqtar ósimdik tuqymdary, tamyrsabaq, jándikter, qurttar, tipti usaq qustardyń balapandarymen de qorektenedi. Qazaqstandaǵy tyń jerdi jyrtý jáne shekten tys aýlaýdyń saldarynan, HH ǵasyrdyń 70-shi jyldarynda elimzde dýadaq joq bolyp ketti. Dýadaq Qazaqstannyń Qyzyl kitabyna joıylyp ketýi yqtımal dep engizilip otyr, aýlaýǵa tolyq tıim salynǵan. Qazaqstanda sońǵy 5 jylda dýadaqtyń sany jaılap ósýde.

---