Dárilik ósimdikter
Dárilik ósimdikter, shıpaly ósimdikter — medısınada jáne mal dárigerliginde emdeý jáne aýrýdyń aldyn alý maqsatynda qoldanylatyn ósimdikter. Dárilik ósimdikterdiń emdik qasıeti olardyń quramynda steroıd, trıterpen, alkaloıd pen glıkozıdterdiń, vıtamınderdiń, efır maılary men tutqyr zattar sıaqty túrli hımıalyq qosylystardyń bolýyna baılanysty. Qazaqstanda ósetin alty myńnan astam ósimdik túriniń bes júzdeı túri dárilik ósimdikterge jatady. Mysaly, aıyr, aloe, bárpi, dármene, dolana, lapyz, jýa, ıtmuryn, raýǵash, súıelshóp, sháńkish, qasqyrjıdek, qarǵakóz, sháıshóp, shyqshóp, t.b. Dárilik ósimdikter keptirilgen shóp, tunba, qaınatyndy, shaı, untaq, t.b. túrinde qoldanylady. Dárilerdi daıyndaý úshin shıkizat retinde paıdalanylatyn dárilik ósimdikter bólek irikteledi. Dárini, kóbinese, jabaıy ósimdikterden alady.
You Might Also Like
-
Dýadaq — óte iri qustardyń biri, eresek atalyq dýadaqtyń salmaǵy 16 kg jetedi. Kúshti uzyn aıaqtarynda keskindi keýdesi, uzyn jýan moınynda kishileý basy ornalasqan jáne tumsyǵynyń shetinde &laqu...
-
Eshki — múıiz qýystylar tuqymdasyna jatatyn jup tuıaqty, kuıis qaıyratyn janýar. Úı eshkileriniń bastapqy tegine eshkilerdiń jabaıy eki túri (bezoar eshkisi, ıir múıizdi eshki), sondaı-aq joıylyp k...
