InfoHub Logo

El men erdiń jeńisi
İ júrgizýshi:
Armysyzdar, qurmetti ustazdar men oqýshylar! Uly Otan soǵysy kezindegi qıynshylyqtardy, halyq kótergen qasiretterdi eske ala otyryp, ózimiz sıaqty jalyndy jastardy Otanyn súıýge, ony qorǵaýǵa baýlý jáne Uly Otan soǵysymen, qazaqstandyqtardyń erlik isimen tanystyrý maqsatyna baǵyttalǵan «El men erdiń jemisi» atty ashyq top jetekshilik tárbıe saǵatyna qosh kelipsizder!

İİ júrgizýshi:
1945 - tiń maıynda,
Iýninde,
Sosyn ıýl aıynda...
Bilesiń be, zamandasym, eı meniń
Elge qaıtqan maıdangerler jaıynda?

İ júrgizýshi:
Ol jaıynda mynaý týǵan el jetik,
Al bizder she?
Óstik pe oısyz er jetip?..
Eı, zamandas!
Túsiredi neni eske
Kıgen jandar sur shınel men kerzi etik.

İİ júrgizýshi:
Elinen de, ózinen de kúı ketip,
Tórt jyl boıy kıdi shınel, kerzi etik.
Maıdangerler júrdi sosyn biraz jyl,
Sol áskerı kıimderin súıretip.

İ júrgizýshi:
Soǵys – adam balasy úshin eń úreıli, eń qorqynyshty sóz. Óıtkeni, soǵys ataýly adamzatty qyryp - joıýǵa baǵyshtalǵan. Adam, adam bolǵaly osylaı. Talaı ret ústemdik, baılyq úshin adam qany sýsha aqqan. Aryǵa barmaı - aq, 50 mıllıonnan astam ómirdi jalmaǵan sońǵy soǵysty alaıyq.

İİ júrgizýshi:
Osy bir aıaq astynan bastalǵan ádiletsiz arpalysqa Qazaqstannan 2 mıllıonǵa jýyq túrli ult ókilderi ásker qataryna shaqyryldy. Maıdan dalasynan 394 myń qazaq bozdaqtary qaıtpaı qaldy. Bul soǵys qaıǵy - qasiret ákelmegen birde - bir otbasy bolmady... Biriniń ákesi, biriniń aǵasy qaza tapty. Qanshama jas bozdaqtardyń qyrshyn jasy qıyldy...

İ júrgizýshi:
Solardyń 40 paıyzy erlermen tize qosyp jaýǵa qarsy shyǵýǵa bekem býyp, óz betterimen ótinish berip, soǵys maıdanyna bet alǵan qazaqtyń úrip aýyzǵa salǵandaı jas qyzdary bolǵanyn esten shyǵarmaýǵa tıispiz. Olardy soǵys órti erte eseıtti. Keshe ǵana qyzyldy - jasyldy kıinip, gúldeı qulpyrǵan balaýsa boıjetkender endi ásker kıimin kıinip, qarý asynyp tili, dini bólek jaýmen shaıqasqa shyqty. Oq pen otqa orana júrip erliktiń nebir eren úlgilerin kórsetti.

İİ júrgizýshi:
Ekinshi dúnıejúzilik soǵysta Shyǵys halyqtarynyń qyzdarynan Batyr ataǵyn alǵan eki - aq qyz bar eken. Bular qazaqtyń Mánshúgi men Álıasy. Ataǵyna búkil shyǵys halqy ortaqtasqan, qazaqtyń atyn shyǵarǵan aıaýly qyzdarymyz.

İ júrgizýshi:
Endeshe týǵan ólkemizdiń tól perzenti Álıa Moldaǵulova jaıyndaǵy fılmdi barlyǵymyz birga tamashalaıyq.
FILM

İ júrgizýshi:
Uly jeńis
Shúıinshi, halqym, shúıinshi!
Shúıinshige súıinshi!
Shattan, ata - anamyz,
Shattan, aǵa - babamyz,
Kek qaıtaryp fashısen,
Soǵys bitti jeńispen,
Jeńdik jaýdy kúreste
Jasalsyn toı - mereke,- dep Taır Jarokov aıtpaqshy mine, Uly Otan soǵysynyń jeńispen aıaqtalǵanyna 65 jyl ótti. Bul sol kezdegi keńes halqynyń erjúrektiligi men tózimdilikterin pash etetin, tarıhta máńgilik qalatyn kún

İİ júrgizýshi:
Bul kúndi soǵystyń alǵy shepterinde qaısarlyqpen shaıqas júrgizip, erliktiń san úlgisin kórsetken ardagerler toılaıdy. Uly Jeńis kúni eli men jeri úshin janyn pıda etken, týǵan - týysqandaryna, jaqyn - jarandaryna, týǵan jerine, aýylyna oralmaı qalǵan qaharman erlerdi búkil eli bolyp eske túsiredi.

İ júrgizýshi:
Bul meıramdy burynǵy keńes odaǵyna kirgen 15 odaqtas respýblıka halqymen birge, keńes halqy nemis basqynshylarynan azat etken Eýropa elderiniń Varshava men Praga, Býdapesht pen Býharestiń, Sofıa men Belgradtyń, Parıj ben Venanyń, jer sharynyń basqa da kóptegen qalalarynyń turǵyndary toılaıdy.

İİ júrgizýshi:
Osyndaı Uly Jeńiske qol jetkizýge kómektesken batyrlarymyzdyń urpaqtary sol jandardyń arqasynda beıbit ómir keshýde. Olaı bolsa, qarsy alyńyzdar, sizderdiń aldaryńyzda ------------------------- ánimen ortaǵa shaqyramyz.
ÁN
İ júrgizýshi:
Jeńis ońaılyqpen kelgen joq. Jeńis jolynda Otan úshin sý keship talaı mıllıondaǵan asyl azamattar mert boldy. Jaýymen jan aıamaı shaıqasyp, erliktiń eren úlgilerin kórsetti. Ana – jaryn joǵaltqan jesir, bala - ákesinen, anasynan aırylǵan jetim atandy.

İİ júrgizýshi:
Fashıserdiń tutqyn lagerlerinde ana men bala aıýandyqpen óltirildi. Al tylda qalǵan qarttar, analar men besikten beli shyqpaǵan balalar soǵystyń qaıǵy - qasiretin arqalaı júrip, birde ash, birde toq tynbaı jumys jasady. Biraq eshkimniń saǵy synbady. Olardyń boıyndaǵy otanshyldyq sezim, qolyna qarý alyp sapqa turǵan kóptegen ult ókilderiniń tize qosqan birligi men erligi Jeńis saǵatyn jaqyndata tústi.

İ júrgizýshi:
Olaı bolsa tobymyzdyń ásem qyzdary men seri jigitterin «»bıimen qarsy alyńyzdar!
BI

İ júrgizýshi:
Jeńis degen óteýi jas ǵumyrdyń,
Jeńis degen beıbit kúnim, búginim.
Jeńis toıyn jaqyndatyp ákelgen
Tókken qany, áke - aǵa, ininiń.

El men erdiń jeńisi. júkteý