InfoHub Logo

İT-mamandardyń bilim sapasyn arttyrý máselesine ekpin qoıylyp jatyr. Bul týraly Májiliste bilim salasyndaǵy sıfrlandyrý taqyrybyndaǵy Úkimet saǵatynda QR Bilim jáne ǵylym mınıstri Erlan Saǵadıev málim etti.

«Búginde IT mamandyǵy boıynsha 84 JOO-da 33 myń stýdent jáne 300  kolejde 24 myń stýdent oqıdy. Jyl saıyn oqý oryndaryn 10 myń stýdent jáne kolejdi 8 myń stýdent bitiredi. Biz joǵary bilim berýde İT-mamandyqtarǵa grantty jyl saıyn kóbeıtip jatyrmyz. Bıyl Elbasynyń tapsyrmasy boıynsha, 20 myń qosymsha grant bólinedi, onyń ishinde 11 myń grant tehnıkalyq mamandyqtarǵa bólinbek. Sonyń arasynda IT stýdentter de bar. Biraq bizge İT mamandardyń bilim sapasyn arttyrý máselesi mańyzdy. Bizge sanynan góri sapasy qajet. Sol úshin osy mamandyqtar boıynsha daıyndaıtyn ýnıversıtetterdiń reıtıńin IT qaýymdastyqtarmen, «Atameken» palatasymen birge jasadyq. Birinshi reıtıń daıyn, oǵan  IT baǵytynda bilim beretin 30 JOO kirdi», - dep toqtaldy mınıstr.

Onyń sózine qaraǵanda, alǵashky İT reıtınngi rektorlarǵa kórsetilip, tanystyryldy.

«Rektorlar reıtıńti túsinip, qoldap otyr. Olardyń arasynda jaqsy básekelestik bastalyp ketti. Biz endi 40 ýnıversıtet kosyp, kelesi aıda, ashyq týrde barlyq baldarǵa jetkizip, jarıalaımyz. Osynyń nátıjesinde JOO-lardyń bilim baǵdarlamalary tez jańartylyp jáne sapasy jaqsarady. Sonymen qatar, «Bolashaq» arqyly IT baǵyty boıynsha mamandar daıyndaımyz. Shamamen 1 000 stýdent oqýdy bitirdi, bul «Bolashaq» baǵdarlamasy túlekteriniń 10 paıyzyn quraıdy.  Olardyń barlyǵy Ulybrıtanıanyń, Amerıkanyń, Malaızıanyń, Kanadanyń, Sıngapýrdyń jáne taǵy basqa elderdiń úzdik ýnıversıtetterinde oqyp, olardyń kóbi memlekettik organdarda, IT kompanıalarda, ýnıversıtetterde jumys isteıdi», - dedi Erlan Saǵadıev.

Onyń atap ótýinshe, bıylǵy jyldan bastap elimizge qajet bolatyn jańa mamandyqtar boıynsha ýnıversıtetter kadr daıyndaýdy bastaıdy. Mysaly, IT-genetık, IT-medık, jelilik zańger, agroınformatık jáne taǵy da basqa da mamandyqtar bar.

---