InfoHub Logo

Táýelsiz memleketimizde jastardyń bilim alýyna jáne ǵylymmen aınalysýyna barlyq múmindikter jasalǵan. Búgingi tańda elimizdegi joǵarǵy oqý oryndary stýdentterdiń sapaly bilim alýymen qatar ǵylymı zertteý jumystarmen aınalysýyna da basa nazar aýdaryp otyrǵany belgili. Bilim men ǵylym ózara tyǵyz baılanysqan Ál-Farabı atyndaǵy Qazaq ulttyq ýnıversıtetinde stýdentterdiń ǵylymı zertteý jumystarymen aınalysýyn barlyq ýaqytta qamtamasyz etip, qadaǵalap otyrý óte mańyzdy mindetterdiń biri. Munda stýdentterdiń ǵylymı zertteý jumystarymen aınalysýyna bilikti ustazdarmen profesorlar jetekshilik etip, durys baǵyt-baǵdar kórsetip, jyl saıyn ǵylymı konferensıalar men baıqaýlar ótkizilip turady. Atap aıtar bolsaq, dástúrge aınalǵan stýdentter men jas ǵalymdardyń ǵylymı konferensıasy “Farabı álemi” jyl saıyn sáýir aıynda ótiledi. 3000nan astam kitap qory bar kitaphana, ınternet resýrstyq ortalyǵy, ǵylymı zerthana stýdentterdiń ǵylymı zertteý jumystarymen  aınalysýyna keńinen múmkindik beredi. Búgingi tańda elimizde oryn alyp jatqan “koronovırýs ” indetiniń taralýy jastardyń ǵylymı jumystarmen aınalysýyna birshama keri áserin tıgizip jatqany sózsiz. Sebebi barlyq kitaphanalar men ǵylymı zertteý ortalyqtary jáne memlekettik arhıvter óz jumysyn toqtatyp, ýaqytsha esikteri jabylǵan. 19-naýryzdan bastap Qazaqstandyq stýdentter qashyqtyq oqý júıásine kóship, onlaın sabaqtar ótilýde. QazUÝ stýdentteri karantın kezinde “Úıde bol” uranymen ǵylymı jumystaryn jalǵastyrýda. Tótenshe jaǵdaıǵa baılanysty jyl saıyn dástúrge aınalǵan VII Halyqaralyq «Farabı oqýlary» jas ǵalymdar konferensıasy 2020-shy jyldyń 6-9 sáýir aralyǵynda onlaın túrde ótti. Elimizde elektrondy jáne sıfrly kitaphanalardyń jumys jasaýy jas ǵalymdarǵa mol múmkinshálákter berip otyr. Atap aıtqanda,  QUEQ (Qazaqstan Ulttyq elektrondyq kitaphana), « QR Ulttyq kitaphanasynyń Sırek kezdesetin kitaptar men qoljazbalardyń elektrondy qory», «Álemdik sıfrly kitaphana (World Digital Library), «Dısserasıalyq elektrondy kitaphana (RMK)», «Ál-Farabı atyndaǵy QazUÝ-niń ǵylymı kitaphanasy». Qazirgi tótenshe jaǵdaılarǵa baılanysty QazUÝ stýdentteri úılerinde osy jáne basqada saıttar arqyly ǵylymı jumystaryn jalǵastyryp otyr jáne ǵylymı jetekshiler úzdiksiz qadaǵalap, jumystardy tekserip, baǵyt-baǵdar berip otyrady. Stýdentter ǵylymı maqalalaryn elimizdiń jáne shet eldiń ǵylymı jurnaldaryna jarıalaı alady.

Tarıh, arheologıa jáne etnologıa fakúltetiniń 2-kýrs magıstranty Erjanova Balnur Erjanqyzy

Ǵylymı jetekshi; PhD doktor Qoshymova Aqnur Orazgalıevna

---