InfoHub Logo

Mobıldi baılanystyń keń damý sebebinen telefon býdkalary qoldanystan tolyq shyqpasa da, qoldanýy burynǵydan qanshama ese azaıyp ketti. Osynyń sebebinen Brıtanıada British Telecom dep atalatyn baılanys operatory, telefon býdkalaryn arzan baǵaǵa satýda.
Tapqyr Brıtandyqtar ol býdkalardy satyp alyp, dýsh, kishigirim qoıma, taǵy basqa kerekterine jaratýda.

Brıtanıanyń Ýestberı-sab-Mendıp dep atalatyn qalashyǵynyń turǵyndary da osyndaı býdkany satyp alyp, ózderiniń qalalaryna kitaphana retinde ornatypty. Bul kitaphana dúnıe júzindegi eń kishkentaı kitaphana jáne táýligine 24 saǵat, jylyna 365 kún úzdiksiz jumys jasaıdy.

Sonymen qatar bul kitaphanaǵa túnde oqýdy jaqsy kóretinder úshin jaryq ta ornatylǵan.
Qala turǵyndary býdkaǵa sóreler ornatyp, ishine neshe túrli taqyryptaǵy kitaptar ornalastyrǵan. Býdkanyń ishinde kitappen qatar dıskter, DVD-ler de tabylady.
Árıne bul kitaphanada kitaphanashy joq. Turǵyndar úılerinen kitaptar ákelip ornalastyrady jáne oqyǵysy kelgen kitaptardy úıine alyp ketip, oqyp bolǵan soń ornyna qaıt ákelip qoıady.

Qalashyqtyń turǵyndar sany shamamen 800 adam, biraq kitaphana tanymal bolýynan kitap alý úshin keı kezderi kezekke turý qajet.

 

---