InfoHub Logo

«Astana qalasy kólik keńistigin basqarý» JSHS 2018 jyldyń shilde aıynan bastap qala turǵyndary men qonaqtaryna aqyly avtoturaq qunyn tóleýdiń yńǵaıly formasyn usynady.

Endi aqyly avtoturaq qunyn Senim mobıldi qosymshasy kómegimen tóleýge bolady.

Ol úshin:

1) Senim mobıldi qosymshasyn júkteý;

2) júıede tirkelý jáne balansty toltyrý;

3) «Baptaýlar» qoıyndysynda Senim Parking kirý;

4) kóligińiz týraly barlyq aqparatty engizý;

5) Aqyly avtoturaq qunyn bir tetikpen tóleý.

Turaq quny tańǵy saǵat 8.00-den keshki 20.00-ge deıin saǵatyna 100 teńge. Tólem kólikti turaqqa qoıǵan sátten bastap alǵashqy 30 mınýt ishinde júrgizilýi tıis. Al demalys jáne mereke kúnderi turaqty paıdalaný tegin. Turaqty paıdalaný tártibi men tólem tásilderi jáne parkomattar ornalasqan oryndar týraly www.2888.kz. saıtynan da tolyǵyraq aqparat ala alasyz. Sondaı-aq, 8-800-080-28-88 tegin nómirine nemese qalalyq 109 biryńǵaı baılanys ortalyǵyna da habarlasýyńyzǵa bolady.

Halyqaralyq tájirıbelerge súıensek, iri qalalarda aqyly kólik turaqtar engizilýiniń nátıjesinde birqatar kedergiler joıylyp, keleńsizdikter rettelgen. Máselen, aqyly turaqtar Bordo (Fransıa) qalasyn kólik keptelesinen túbegeıli qutqardy. Buǵan qosa, jergilikti halqy qoǵamdyq kóliktermen jappaı júre bastap, qoǵamdyq transport damypty. Osyǵan baılanystybul qala ekologıalyq turǵydan taza, jaıly aımaqtardyń birine aınalǵan eken. Al, Varna (Bolgarıa) qalasynda da keptelis atymen joq. Oǵan sebep – aqyly turaqtar men jol qozǵalysynyń durys uıymdasýy. Sondaı-aq, Japonıada aqyly kólik turaqtarynyń arqasynda tártip buzýshylyqtar azaıdy. Ondaǵy aqyly turaq keńistikteri óz-ózine qyzmet etý júıesi boıynsha jumys isteıdi.

Eske sala ketsek, 2018 jyldyń 15-shi qańtarynda Astana qalasynyń Nurjol býlvarynda aqyly turaq iske qosyldy. Qalanyń kóshe-jol jelisiniń  júgin jeńildetý  jáne jaıaý júrginshiler men kólik quraldary qozǵalysy úshin  qolaıly jaǵdaı jasaý - jobanyń basty maqsaty sanalady. Sondaı-aq, UOS ardagerleri, birinshi jáne ekinshi toptaǵy múgedekter, «Altyn Qyran» jáne «Halyq Qaharmany» ordenderiniń ıegerleri, «Altyn alqa» jáne «Kúmis alqa» ıegerleri, Semeı ıadrolyq synaq polıgonynda júrgizilgen synaqtardan zardap shekkender, Aýǵanstandaǵy jáne basqa elderdegi áskerı is-qımyldan japa shekken múgedekter men ardagerler turaq úshin aqy tólemeıdi.

---