InfoHub Logo

Almatyda onkologıalyq aýrýlarmen aýyratyn naýqastardy emdeýde, dárigerlerge durys sheshim qabyldaýǵa kómektesetin jasandy ıntellekt júıesiniń pılottyq jobasy iske qosyldy.

Baǵdarlama búkil álem boıynsha onkologıa salasyndaǵy ǵylymı zertteýler, maqalalar men jarıalanymdar týraly derekterge negizdelip jasalǵan. Dárigerdiń naýqas týraly engizgen málimetteri negizinde plaftorma taldaý jasaıdy. Nátıjesinde ol mamanǵa onkologıalyq naýqastardy emdeýge arnalǵan nusqalaryn usynatyn bolady. Al naýqastyń dıagnozynyń sońǵy sheshimin dárigerler qabyldaıdy.

«Júıe osy zertteýlerdi ár pasıentke jeke túrde engizedi jáne jalpy emdeýde, atap aıtqanda, sońǵy ǵylymı zertteýlerge negizdelgen derbestendirilgen emdeý tásilin emes, osy emdelýshige qandaı emdeý prosesin qoldaný kerektigin anyqtaıdy», – dedi, QR Densaýlyq saqtaý vıse-mınıstri Oljas Ábishev.

Bul baǵdarlama qazirdiń ózinde álemniń 25 elinde tıimdiligin dáleldedi. Jobany alǵashqy kezeńde Almatyda testileý josparlanǵan. Eger júıenińnátıjeliligi dáleldense, ol búkil respýblıka boıynsha engiziletin bolady.

Aıta ketelik, búginge deıin medısınada málimetterdi – kitaptardy, ǵylymı jarıalanymdardy, barlyq derlik klınıkalyq hattamalardy saraptap, bir mınýttyń ishinde emdeýge usynys berip otyratyn «Vatson» dep atalǵan jasandy ıntelekt qoldanylyp kelgen bolatyn. Iaǵnı, dárigerge emdeýde barynsha tıimdi joldarmen qatar bar tehnologıalardy jáne ǵylymı jarıalanymdarǵa silteme beredi.

2017 jyly Densaýlyq saqtaý mınıstrligi men İVM kompanıasy densaýlyq saqtaý salasyna jasandy ıntellekt engizý boıynsha yntymaqtastyq týraly memorandýmǵa qol qoıǵan. Mınıstrlik alǵashqy pasıentti aqpan aıynda emdeýge usynys aldy.

Jasandy ıntellekt ǵylymnyń jańa bir salasy retinde HH ǵasyrdyń ortasynan damı bastady. Onyń qaryshtap ilgerilegeni sonshalyq, qazir barlyq salada keńinen qoldanylady. Bastapqy kezeńde bul baǵdarlamalyq júıe adamnyń eńbegin almastyratyn kómekshi qural retinde ǵana paıdalanylǵan bolatyn. Qazirgi múmkinshiligi adamnyń qabiletinen de asyp túsip, onyń aqyl-oıy jete bermeıtin jaǵdaılarda kómekke keletin boldy.

Nazar aýdaratyn bir jaıt, jasandy ıntellekt baǵdarlamasynyń qaýipsizdigi úsh deńgeımen qorǵalatyndyqtan, kıbershabýyldar jasalady dep qaýiptenbeýge bolady.

---