InfoHub Logo

Keńes Odaǵynyń Batyry İdiris Úrgenishbaev esimi tarıhta, bizdiń esimizde máńgi qalmaq

Sabaqtyń taqyryby: Er esimi - el esinde
Sabaqtyń maqsaty:
1) Oqýshylardy Uly Otan soǵysy men qazaqstandyqtardyń erlik isterimen, İdiris Úrgenishbaevtiń erligi men qaharmandyǵy týraly tanystyrý;
2) Oqýshylardy adamgershilikke, Otanyn súıýge, ony qorǵaýǵa baýlý. Otanǵa degen súıispenshiligin arttyrý, patrıottyq sezimge baýlý;
3) Oqýshylardy úlken adamdardy syılaýǵa, olardy qurmetteýge tárbıeleý.
Kórnekiligi: kitaptar, sýretter, İ. Úrgenishbaev týraly materıaldar, ınter. taqta

Sabaq barysy:
Muǵalim: Qazaq halqy nebir aýyr tarıhı kezeńderdi basynan ótkizdi. Sondaı tarıhı kezeńniń biri álemdi dúr silkindirgen Ekinshi dúnıejúzilik soǵysy edi. Bul oqıǵa 1941 jylǵy maýsymnyń 22 – de bolǵan edi.

Úntaspadan tyńdaý:
- Tyńdańyzdar, tyńdańyzdar! 1941 jyly 22 maýsymda tań shapaǵy araılanyp kele jatqan kezde elimizge qaýip tóndi. Halqymyz adam aıtqysyz qıyn – qystaý kezeńge dýshar boldy. Fashısik Germanıa elimizge opasyzdyqpen basyp kirdi.
/ Soǵys týraly mýzyka oınap turady/

Oqýshy: Bult túnerip aspannan,
Talaı kózden jas tamǵan.
Tutqıyldan jaý tıip,
Qyrǵyn soǵys bastalǵan.
Soǵys jalmap aǵa – ini baýyrdy,
Zar jylatyp tynysh jatqan aýyldy.
Jalǵyzynan aıyrypty anany,
Ákesinen aıyrypty balany.

oqýshy:
Otan deımiz ot jaqqan jerimizdi
Otan deımiz ósirgen elimizdi
Otan deımiz týǵan jer, atameken
Bıik taý, orman - toǵaı, kólimizdi.
Otan deımiz keń baıtaq astanany
Jasyl jaılaý, jańa jol, jas qalany
Otannyń sheti de joq, shegi de joq
Ol biraq óz úıińnen bastalady.

Muǵalim: Osyndaı beıbit ómirge qol jetkizgen batyr aǵa - apalarymyzdyń rýhyna bas ıip, umytylmas erlikterin pash etip, eske alamyz. Ózimizdiń jerlesimiz Keńes Odaǵynyń Batyry İdiris Úrgenishbaev esimi tarıhta, bizdiń esimizde máńgi qalmaq.

Oqýshy: İdiris Úrgenishbaev 1912jyly Taldyqum selosynda dúnıege keledi. Aqtóbe pedagogıkalyq ýchelıshesin bitirgen soń, týǵan aýylynda bastaýysh mektep meńgerýshisi bolyp qyzmet atqaryp júrgende 1942 jyly qańtar aıynda Qyzyl Armıa qataryna shaqyrylyp, artynda anasy jáne zaıyby Jámıla qaldy. İdiristen qalǵan jalǵyz balasy Esengeldi 1942 jyly 28 tamyzda Aıaqqumda dúnıege keldi. Esengeldi men Zıagúl 1969 jyly otaý qurǵan. Esengeldiniń balasy Arman Úrgenishbaev Esengeldiuly 1972 jyly 3 maýsymda dúnıege kelgen. Arman Shalqar qalasyndaǵy Aýla klýbynyń dene tárbıesiniń nusqaýshysy qyzmetin atqarýda.

Oqýshy:
1943 jyl qyrkúıek - qazan aılary. Dnepr úshin shaıqas.
Dnepr úshin shaıqasta eki jaqtan 4 mln - ǵa jýyq adam qatysty. Al maıdan shebi 1400 shaqyrymǵa sozyldy. Gıtlerdiń oń jaq jaǵalaýy tik jar bolyp keletin Dneprde keńes áskerlerin toqtatyp, qarsy shabýylǵa shyǵamyn degen jospary iske aspady.