InfoHub Logo

Ádebıettik oqý 3 synyp
Taqyryby: Sábıt Muqanov «Kóksheniń kórinisi»
Maqsaty: 1. Mátinniń mazmunyn túsine otyryp, Kókshe tabıǵaty týraly túsinik alýlaryna jaǵdaı jasaý.
2. Shyǵarmashylyq jumystar arqyly oqýshylardyń oı - órisin damytý, óz betinshe jumys isteý qabiletterin arttyrý.
3. Tabıǵatty súıý, ony aıalaýǵa tárbıeleý.
Qoldanylatyn ádis tásilder:
AKT, toppen jumys, suraq - jaýap ádisi
Kórnekiligi jáne qural jabdyqtary: prezentasıa, kartochka

Sabaq barysy:
1. Uıymdastyrý
Topqa bólý, unatqan gúldi tańdaý arqyly. «Raýshan», «Báısheshek», «Qalampyr», «Qyzǵaldaq». Árkim óz tobyna otyrady

2. Úı tapsyrmasyn suraý.
Áýelbek Qońyratbaev. Kıiktiń aılasy
Mátindi bólikter arqyly mazmundaý
- Ań men janýarlardyń óz jaýlarynan qorǵanatyn qarýy.
- Kıikterdiń sýatqa kelýi.
- Qasqyrlardyń shabýyly.
- Tekeniń aılasy.
- Dala erkesi – Aqbóken.
Árbir jaýap bergen toptardy smaılıkter arqyly baǵalaý.

3. Jańa taqyryp:
- Oqýshylar, sender qandaı aqyn - jazýshylardy bilesińder?
- Olardyń qandaı shyǵarmalaryn bilesińder?
- Búgin sender asa kórnekti jazýshy - Sábıt Muqanovpen tanysasyńdar jáne onyń «Kóksheniń kórinisi» taqyrybyndaǵy mátinin oqyp tanysamyz.

Muqanov Sábıt Muqanuly (1900 - 1973) - qazaq ádebıetiniń negizin qalaýshylardyń biri, qoǵam qaıratkeri, Qazaqstannyń halyq jazýshysy, Qazaqstan Ǵylym akademıasynyń akademıgi.
Qazirgi Soltústik Qazaqstan oblysy Jambyl aýdany Sábıt Muqanov atyndaǵy aýylda týǵan.

Kókshetaý týraly túsinik berý
Saryarqanyń soltústiginde, Kókshetaý qyratynyń soltústik - shyǵys bóliginde oqshaý ornalasqan, jaqpartasty, ormandy - kóldi taý. Eń bıik jeri – Kókshe shoqysy (947 m).
- Sózdik jumysy:
Gaýhar - asyl tas
Seleý – shóptiń aty
Quz – bıik jartas
Saǵym – alystaǵy kórinis, eles

4. Mátindi tizbekpen oqýshylarǵa oqytý.
Toptarǵa tapsyrma:
1 top: Tabıǵat týraly maqal – mátel nemese kórkem sóz aıtý
2 - top: Týǵan jer týraly maqal – mátel nemese kórkem sóz aıtý
3 - top: Otan týraly maqal – mátel nemese kórkem sóz aıtý
4 - top: Sýret salý, ony qorǵaý
Sergitý sáti
Mýzykalyq jattyǵý jasaý.
5. Oıdy qorytyndylaý
Tirek syzba arqyly sabaqty qorytý
Kókshetaý
↓
tabıǵaty sulý
ormandy, toǵaıly
aýasy taza
kólderi shıpaly
Jeke batyr
Jumbaqtas
Oqjetpes

5. Madaqtaý, baǵalaý.
6. Úıge tapsyrma: mátindi oqý, mazmundaý, ózimizdiń aımaqtaǵy kórikti jerler týraly referat jazyp kelý.