InfoHub Logo

Er Tarǵynnyń ákesi jarly, qara kedeı Qarsy degen kisi eken. Sol kisiniń tek maldan taýyǵy bolypty. Taýyǵynyń jumyrtqasymen kúneltipti. Sol kezde jurt hanǵa syılyq aparady eken. Bu da taýyǵynyń eki-úsh kúngi jumyrtqasyn jınap, hanǵa syıǵa tartpaq bolady. Sóıtip bara jatsa, aldynda ótkizetin adamdar bar eken, olar jibermepti. Biraq bul qalaıda eriksizden ótedi. Hanǵa barady. Han: «óziniń tapqany ǵoı» dep qarsy alady. Jáne oǵan altyn beredi. Sonymen qaıtady. Ol ýaqytta ózi qartaıǵan ýaqyty eken. Balasy joq eken. Sodan bala tilep, bireýge Quran ashtyrsa, ol: «Sen pálen jerdegi áýlıege túne. Sol jer bala beredi», — deıdi. Baryp túneıdi. Túnde tús kóredi. Qolyna bir qara búrkit qonady. Baýynan ustap týrady. Keremet alǵyr bolypty. Ol bir ýaqytta úsh ret talpynyp, qolynan shyǵypty da ketipti deıdi. Oıansa, túsi. Aýylǵa kelip, bal ashtyrǵan kezinde jorytypty: «Saǵan bir bala beredi eken. ol batyr bolady. Biraq ol úsh ret jaýlasyp jeńedi de, artynan el-jurtyńa qarsy bolyp, qolyńnan ketedi eken», — depti. Sonymen bir bala bolyp, aty Er Tarǵyn bolypty. Sodan ol úsh jermen jaýlasyp jeńip, sodan ketedi.

---