InfoHub Logo

Jeltoqsan aıynyń jetinshi juldyzynda «Jyl volonteri» Halyqaralyq konferensıasy ótti. Onda volonter jylynyń qorytyndysy shyǵaryldy. Konferensıa eki bólim boıynsha júzege asyryldy.

Birinshi bólimde QR Aqparat jáne qoǵamdyq damý mınıstrliginiń qatysýymen plenarlyq otyrys boldy. 

Ekinshi bólimde: 

• COVID- 19 boıynsha halyqaralyq tájirıbe; 

• Volonterlik salasyndaǵy IT tehnologıalar (saıttar, mobıldi qosymshalar jáne t.b.); 

• Volonterlik qyzmet týraly Zań jáne volonterlikti qoldaý standarttary; 

• Volonterlerdiń memlekettik, qoǵamdyq, bıznes qurylymdarymen ózara is- qımyly; 

Taqyryptary talqyǵa salynyp, ozyq tájirıbeler sóz boldy. Osylaısha elimizdegi túrli volonterlik uıymdar ózderiniń jyldyq jumystarynyń nátıjelerimen bólisti. Aıta ketetini, bıylǵy dúnıejúzindegi pandemıa kezinde onlaın medıa- volonterler sany kóbeıdi. Olar túrli áleýmettik jelide, saıttarda óz jumystaryn jasady. 

"Volonterlik – patrıotızmniń bir kórinisi. Eriktiler, eń aldymen, eldiń ıgiligine qyzmet etedi. Olardyń jumysy azamattyq qoǵamdy odan ári damytýǵa múmkindik beredi. Volonterlik degenimiz – «bir jeńnen qol, bir jaǵadan bas shyǵaryp» áreket etý. Eriktilik – halqymyzdyń shynaıy bolmysy. Bul bastama ultty uıystyryp, memlekettilikti nyǵaıtý úshin qajet. Uly Abaıdyń «Qareket qyl, paıdasy kópke tısin» degen ulaǵatty sózi osyndaı ıgi isterge úndeıdi. 

Sondyqtan, biz volonterlikti keńinen dáripteýimiz kerek. Bereke-birligimizdi arttyratyn sharalarǵa bir el, tutas ult bolyp atsalysýymyz qajet." dep memleket basshysy Qasym-Jomart Toqaev aıtpaqshy, rasymende eriktilik erikkendik emes, erlik is. Endeshe sol erlik isterdi jumyla atqaraıyq!

Talonova Asem Berikqyzy

BQO, Aqjaıyq aýdany, Qýraılysaı aýyly

"Talap MBK" 11 synyp oqýshysy

---