InfoHub Logo

Jaǵalbaıly eliniń sultany bolǵan Derbisaly Berkinbaı patshadan shen alyp, sultandyq (HİH ǵasyrdyń aıaǵynda) laýazym alyp kelgen soń, qaqpadan kisi kirgizbeıtin ádet shyǵaryp, kúzetshi soldat qoıypty.

Qashan tús bolyp, Derbisáliniń uıqysy qanyp, kisi qabyldaıtyn kezin kútip, jurt sarylatyn bolypty. Osyny esitken Esmaǵambet bir kúni Derbisalynyń aýlyna ádeıi erte keledi.

Soldattar kirgizbeıdi, ol kirmekshi bolady. Baǵynbaǵan soń, soldattar myltyq atyp, qorqytpaq bolady. Myltyq daýsy shyqqan kezde:

— Oıbaı, óldim, oq tıdi, — dep aıqaılaǵan kúıi, qaqpaǵa kirip ketedi.

— Kúzetshileriń bireýdi atyp aldy bilem, — dep Derbisalyny oıatady.

Derbisaly dalaǵa shyqsa, qaqpa ishinde shanadan túsip jatyr eken.

— Atylyp qalǵan kim eken desem, sen ekensiń ǵoı, oq seniń óletin jerińnen tıgen shyǵar? — dep kúledi ózimen amandasyp turǵan Esmaǵambetke.

Esmaǵambet úıge kirýge yńǵaılanǵan kezde:

— Osy turǵan kúıińshe, oılanbastan bir aýyz óleń aıtpasań, úıge kirmeısiń, — deıdi Derbisaly.

Sonda Esmaǵambet oılanbastan:

— Balasy Berekemniń boldyń dúrden,
Qystadyń óleń aıt dep úıge kirmeı.
Aısadaı aspanǵa ushsam, sóz seniki,
Jerde ólseń, sen de birdeı, men de birdeı, — depti.

---