InfoHub Logo

Búkil álem boıynsha, tipti ǵalamtorda tamasha músinderdi baıqaýǵa bolady. Óner bir qarqynda toqtap qalmaıdy. Ár kún saıyn álemde jańa jobalar men adam balasy tańdanarlyq týyndylar dúnıege kelip jatady. Kózdiń jaýyn alatyn jaýharlar kóńilińe qýanysh syılaıtyny da anyq. Búgin biz sizderdiń nazarlaryńyzǵa fızıka zańdarynyń ústemdigi júrmeıtindeı bolyp kórinetin qyzyqty art-ınstallásıalyq jobalarmen tanystyramyz.

«Ǵajaıyptar eli», Kanada

^{© Neil Howard}

Syrtaı qaraǵanda bas keıipinde bolǵan 12 metrlik sym temirli qańqany kóresiz, al ish jaǵynan búkil álemdi. Bul músinniń avtory ıspandyq músinshi Haıme Plensa.

 

«Karma», AQSH

^{© Alyx Dellamonica}

Káris músinshi Do-Ho Sý týyndysy Nú-Iorktegi Olbrat-Noks kórkem galereıasynyń aldynda ornalasqan. Bul músinniń bıiktigi bar bolǵany 7 metr, biraq ol sheksiz bolyp kórinedi.

 

«Sońǵy kesh», AQSH

^{© Gord McKenna}

Rıolıt eles qalasyndaǵy Albert Shýkalskııdiń músini. Músinniń jasalýyna Leonardo da Vınchı freskasy negiz bolǵan. Ataqty ajal ańǵarynyń aıasyndaǵy bul músinder, ásirese túnde ishki jaǵynan arnaıy projektorlarmen jaryq túsirilgendegi kórinisi syrǵa toly bolyp kórinedi.

 

«Gaýharlar», Avstralıa

^{© russellstreet}

Jańa Zelandıalyq sheber Nıl Doýsonnyń aýada qalyqtaıtyn músinderiniń mańaıynan ótip ketý múmkin emes. Óıtkeni áýede qalqyp túrǵandaı bolyp kórinedi. Al bul áser biliner-bilinbes tros arqyly jasalady.

 

Tepe-teńdiktegi pishin, Dýbaı

^{© Deutsche Bank}

Bul tepe-teńdiktegi ǵajaıyp qola tipten fızıka zańdaryna baǵynbaıdy. Polák sheberi Ejı Kendzerdiń músininiń óz salmaǵy men jel soqqysynan qalaı aınalyp ketpeı turǵandyǵy – barlyǵyna derlik jumbaq kúıde.

 

Skrıpkashyǵa eskertkish, Golandıa

^{© Paul Arps}

Amsterdamda qalalyq basqarma men Mýzykalyq teatr ornalasqan ataqty «Stoperadaǵy» mármár edendi de skrıpkashynyń eskertkishin ornatý úshin ǵana aıamaı buzdy. Týyndynyń avtory belgisiz. Qalalyq basqarma músinge jáne avtoryna «mán bermeýdi» jón sanaıdy.

 

Jyldamdyq festıvalindegi «Porshe», Ulybrıtanıa

^{© Bruno Postle}

Djerrı Djýda avtokólikterden tańǵajaıyp músinder jasaıdy. Olar sheksiz álemge jol tartqandaı bolyp kórinedi. Jylsaıyn ótetin Gýdvýdtegi «Jyldamdyq»  festıvalinde ol álemniń eń tanymal brendtermen jumys jasap úlgerdi.

 

«Azaıý jáne shyǵý», Avstralıa

^{© Matthew Perkins}

Sıdneıde ornatylǵan Devıd MakKrakenniń aspanǵa qaraı baǵyttalǵan baspaldaǵynyń óz qupıasy bar. Árbir kelesi baspaldaq aldyńǵysynan kishi. Sondyqtan da oǵan qaraǵanda ol, sheksiz bolyp kórinedi.

 

«Ýaqyt sharasyzdyǵy»

^{© Adam Martinakis /3d visual}

Grek sýretshisi jáne músinshi Adam Martınakıs fýtýrısik vırtýaldy óner janrynda sandyq art músinder jasaıdy. Olardy tek ǵalamtorda nemese prıntte ǵana kórýge bolady. Bul zamanaýı ónerdegi sezimdi jetkizýdiń jańa joly dese de bolady.

 

«Pil úshin tartylys kúshiniń ereksheligi»

^{© Jean-Pierre Dalbéra}

Danıel Frımannyń saıahatshy músini Parıjdik Fontenblo qamalynda da bolyp úlgerdi. Músin avtordyń "jerden 18 myń km qashyqtyqta pil óz tumsyǵyna turyp tepe-teńdik saqtaıdy" degen teorıasyna arnalyp týyndaǵan.

 

«Jelaıaq», Gresıa

^{© G Da}

Afınadaǵy grektik «Dromeas». Qaı qyrynan qarasańyz da ol qozǵalysta sekildi. Tym kóp qara jasyl áınek synyqtarynan quralǵan erekshe músinniń avtory – Kostas Varotsos.

 

Sý asty músinderi, Meksıka

^{© Scuba Catalog}

Álemniń ár túkpirinde ornalasqan sý asty saıabaqtardyń avtory músinshi Djeıson Teılor. Jádigerlermen qalypty selfı jasaý úshin akvalańpen qamdanýǵa týra keledi.

 

«Involúsıa»

Sandyq ónerdiń taǵy bir ókili – Chad Naıt. Óziniń vırtýaldy músinderine ol shynaıylyqqa jaqyndata peızaj qosady. Al bulardy tipten tańǵajaıyp jasaǵandyqtan, fantasıkalyq obrazdarǵa jan bitkendeı kórinedi.

 

«Alı jáne Nıno», Grýzıa

Tamara Kvesıtadzeni bul dınamıkalyq músinderdi jasaýǵaqos ǵashyqtyń oqıǵasy shabyttandyrǵan. Máńgilik qozǵalystaǵy músinder – bastapqyda bir-birine betpe bet kelip birigip ketedi, al sodan keıin sharasyz aıyrylysady.

---