InfoHub Logo

Táýelsiz eldiń tiregi - bilimdi urpaq. Qazir bilimdiniń alǵa túsip, báıgeden ozyp keletin zamany. Qazaqtyń kemeńgeri Ahmet Baıtursynov: «Eldi túzetýdi bala oqytý isin túzetýden bastaý kerek», - degen. Árbir memlekettiń ósip-órkendeýiniń, básekege qabiletti bolýynyń eń basty oshaǵy ustaz bergen bilim ekeni sózsiz. Sondyqtan da damýdyń eń bıik kókjıeginen kóringisi keletin kez kelgen memleket aldymen, bilim berý salasyn jolǵa qoıyp, sapasyn kóterýdi maqsat etedi. Osy maqsatta F.Dosymova atyndaǵy №12 orta mektepte «Oqytý baǵdarlamasy boıynsha sabaqty tıimdi josparlaý» taqyrybynda qalalyq tájirıbe almasý semınary ótti. Semınardyń  maqsaty: oqý maqsattaryn júzege  asyrýdyń tıimdi ádis-tásilderin kórsete otyryp, jańartylǵan bilim berý mazmunyndaǵy sabaqty tıimdi josparlaý joldary.

Semınarǵa pedagogıkalyq sheberlik ortalyǵynyń dırektory Aıda Nurjanova jáne №13, №17, №18, №20, №24 qala mektepteriniń muǵalimderi qatysty. Baǵdarlamaǵa sáıkes uıymdastyrý bólimi, kórme, praktıkalyq bólim jáne qorytyndy bólimderi kezegimen júrgizildi. Uıymdastyrý kezeńinde mektep dırektory Erbol Ermekuly alǵy sóz sóılep, oqý isiniń meńgerýshileri Raıa Sanatqyzy men Ǵalymjan Kalıbekuly kelgen qonaqtar men ustazdarǵa sáttilik tiledi.

Shara odan ári Almash Shajenovanyń jetekshiligimen «Armandar oryndalady, maqsatyń aıqyn bolsa» taqyrybynda trenıńpen jalǵasyn tapty. Bilikti ustaz Seneka Lýsııdiń «Ózgelerdi úırete júrip, biz ózimiz de úırenemiz» degen qanatty sózin basshylyqqa ala otyryp, «3 tilek», «Eksperıment», «Bıiktik» jattyǵýlary arqyly qyzyqty trenıń ótkizip, áriptesterin bir serpiltip aldy.

Odan keıin kelgen qonaqtar Maıra Qapanovanyń 1-synypqa ótkizgen «Ulttyq taǵamdar. Mátin», Aıgerim Tájiǵalıevanyńaǵylshyn páninen «My favorite sport» jáne Ǵalymjan Ýtegenovtiń tarıh páninen «Velıkıe geografıcheskıe otkrytıa» taqyryptaryndaǵy ashyq sabaqtaryna qatysyp tájirıbe almassa, Dınara Bısenovanyń «Oqytýdy jaqsartýdyń yqpaldy qarýy – keri baılanys» jáne Lúbov Býshanyń «Krıterıaldy baǵalaýdyń tıimdiligi» taqyrybyndaǵy baıandamalaryn tyńdap, óz is tájirıbelerine jańartylǵan baǵdarlama aıasynda mol málimet aldy. Sonymen qatar, semınarda Zýlfıa Bısenǵalıevanyń uıymdastyrýymen «İs-áreketti zertteý» jáne Zoıa Manapovanyń jetekshiligimen «Tıimdi josparlaý – sapaly oqytý negizi» taqyryptarynda koýchıngter qonaqtar nazaryna usynylyp, erkin túrde áńgime órbidi.

Semınar sońynda ustazdarymyz dóńgelek ústelde bas qosty. Olar sabaqty tıimdi josparlaýdyń ádis-tásilderin ortaǵa salyp, júrgizilgen jumystarǵa keri baılanystar berdi. Ótkizilgen jumystardyń tıimdi, shynaıy bolǵandyǵyn, aldaǵy ýaqytta óz jumystarynan kórinis tabatyndaryn aıtyp, bir-biriniń keleshek jumystaryna shyǵarmashylyq tabys tilep, mektep ujymyna alǵystaryn bildirdi.

Shara sońy dástúrli túrde «kofe-breıkpen» aıaqtaldy.

Aqsana Jumabaeva, F.Dosymova atyndaǵy №12 orta mekteptiń qazaq tili men ádebıeti pániniń muǵalimi

---