InfoHub Logo

Lýızıana Shtaty ýnıversıtetiniń mamandary zertteý júrgizip, jańǵaqtyń as qorytý júıesin jaqsartatynyn, jańǵaq tutyný asqazandaǵy probıotıkterdi arttyryp as qorytý júıesine paıdaly keletindigin málimdedi. Zertteýshiler 10 apta boıy tyshqandardyń bir bóligine úgitilgen jańǵaǵy bar taǵam berip, ekinshi bóligine kezdeısoq taǵamdar beredi. Eki toptyń da kalorıasy men azyqtyń qunary birdeı bolǵanymen jańǵaǵy bar azyqtarmen qorektengen tyshqandarda laktobasıl, rozberı jáne rýmınakokkýs sekildi birshama paıdaly bakterıalardyń arta túskeni baıqalǵan. Zertteý nátıjesi boıynsha jańǵaqtyń as qorytý júıesin saýlyqty ustap turatyn bakterıalardy kúsheıtetin probıotık sekildi áser etetindigi málimdendi. Asqazannyń saýlyǵy basqa búkil múshelerdiń saýlyǵy men tyǵyz baılanysty ekendigin aıtqan dosent, doktor Laýrı Baıerlı bylaı deıdi: «Jasaǵan zertteýimiz jańǵaqtyń asqazandy jaqsy jaǵynan ózgertkenin kórýdemiz. Bul - jańǵaq tutynýdyń júrek, mı sekildi deneniń basqa da múshelerine qalaısha paıda tıgizetinin asha túskendeı. Jańǵaqtyń quramyndaǵy bıoaktıvti zattar densaýlyqqa paıdalylyǵyn arttyra túsetin faktor bolýy múmkin. Jańǵaq – quramynda edáýir mólsherde ósimdik siltili omega-3 maı qyshqyly bolyp tabylatyn álfa-lınolendi qyshqyly (ALQ) bar jalǵyz qabyqty jemis (1 ýns jańǵaqta 2,5 gr ALQ bar), sondaı-aq proteın (1 ýns 4 gr) jáne talshyqtary (1 ýns 2 gr) men de paıdaly bolyp tabylady.»        

---