InfoHub Logo

Ótken Bókeı han marqum bolǵan soń, Jáńgir handyq dárejesin alýǵa patsha aǵzam haziretine barǵan ýaqyttaǵy joldastary qaıbaly Shóke, qara qazaqtan baıbaqty uryǵynyń altyke Tanys, sherkeshti Jámısh balasy eken. Han bir arba da, Sherkesh bı óz aldyna bir arba da, tóreler at ústinde eken. Tóreler at ústinen jalyǵyp máslıhat etedi, «Endigi túsken jerde Sherkeshtiniń arbasyn bizder minelik, ol — qara qazaq, bizder — tóremiz, arba bizderge laıyq qoı», — dep. Muny bilip Sherkeshti bı úıge kirmeı, syrttaǵy arbasynyń ústinde jatypty. Han shaqyrtyp alyp: «Sherkeshti, arbada naǵyp jatyrsyń?» — degende, aıtypty: «Aıyrylatyn arbaǵa amandasyp jatyrmyn», — dep. Han aıtypty: «Bul pikirlerińizdi qoıyńyz, árkim óziniń kóligimen júrsin», — dep.

Sonan patsha haziretine júz kóriske kirgende, han júreksinip Shókege: «Aldynan júr!» — depti-aý. Sonda Sherkesh aıtypty: «Bul esikti kórmeımin dep kelip pe eń, kórem dep keldiń ǵoı, kirmeımin dep kelip pe eń, kirem dep keldiń ǵoı, óziń júr», — depti. Kimde bolsa, áýelgi kirgen kisi han bolmaq eken. Sherkesh sony oılap aıtqan eken. Sonan kúnde patsha tarapynan bılerge óz aldyna túrli nyǵymetlár beriledi eken. Bir kúni tóreler aıtady: «Patsha búgin bizderdi jiberedi eken», — dep. Sherkesh aıtypty: «Bul orynǵa tamaq úshin kelgenimiz joq qoı», — dep. Bul sózderin tyńdap, bilip turǵan adamdar hanǵa jetkizipti ham Sherkesh hanǵa aıtypty: «Patshadan namaz oqıtyn oryn surasaq  qalaı bolar?» — dep. Han sol sózimenen patshadan surapty: «Muhammedıskıı zakon boıynsha, bizlerge namaz oqıtyn oryn bolar ma?» — dep.
«Bolar», — dep patsha haziret bir esik ashyp, ishi meshit, jaıýly jaınamaz, oraýly shalma, tásbıh syqyldy túrli jaqsy zattar. Sol orynǵa ketkenshe namaz oqyp turǵanlar aıtady: «Patshanyń musylmanǵa namaz oqýǵa saldyrǵan meshiti eken, eń áýeli esigin ashqan — Jáńgir», — dep.

Sonan han handyq dárejesin, bılerge shen berilgende, Sherkesh bıge ıyqta júretin eń úlken shen berilipti. Han joldastarymenen qaıtyp kele jatyp Ýfadaǵy Nuraly hannyń basyna zıarat etip bolǵan soń, han aıtypty: «A, babam! Seniń osy jerde jatqanyń qara qazaqtan boldy-aý, qazaqtyń ishinde Syrymnan boldy-aý!» — depti. Sol sózdi aıtqanda, Sherkesh bı: «İshim muzdap ketti-aý!» — depti. Ar jaqta Nuraly handy Syrym shaýyp, sonan qashyp baryp Ýfany tapqan eken.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---