InfoHub Logo

Súleımen paıǵambar jan­janýardyń tilin biletin. Sıyrdyń móńiregeninen, esektiń aqyrǵanynan, qaraǵanynan ne aıtyp turǵanyn bilip qoıatyn.

Bir kisi Súleımen paıǵambarǵa ótinish aıtyp: «Janýardyń tilin úıretshi», — dep jalyndy. Birneshe aıdan soń úırenip aldy.

Álgi kisi úıine kelip, qoranyń syrtynan tyńdady. Sóıtse, esek pen ógiz sóılesip jatyr eken.

Esek:

— Ógiz, baýyrym, haliń qalaı? — deıdi.

Ógiz:

— Aýyr jumystan sharshadym. Qojaıynym meni aıamaıdy, — dep yńyrsıdy.

Esek oǵan aqyl aıtady:

— Sen búgin shóp berse — jeme, sý berse — ishpe. Aýyryp qalǵan eken dep, jumystan qaldyrady, — deıdi.

Ógiz aıtqandy oryndaıdy. Shóp te jemeı, sý da ishpeı jatyp alady. Ekeýiniń sózin esitken qojaıyny qulyna aıtady:

— Erteń ógizdi qaldyr da, esekti jumysqa jek! — deıdi.

Erteńine ógizdiń bar jumysyn esekke salady. Esek arba da súıreıdi, otyn da tasıdy. Ólerdeı sharshaıdy. Keshke aıaǵyn ázer súıretip qoraǵa kiredi.

Ógiz bolsa, tynyǵyp qalǵan edi. Qýtyń­-qýtyń etedi.

— Haliń qalaı, dostym? — deıdi esekke.

Ábden sharshaǵan esek kúıip ketip:

— Seni qojaıyn soıyp jeımin dep jatyr. Ot ottap, sý ishpeseń, erteń soıady, — dep aldaıdy.

Qorqyp ketken ógiz dereý shóp jeýge kirisedi. Qoranyń syrtynan tyńdap turǵan qojaıyny esektiń qýlyǵyna ábden kúledi

---