InfoHub Logo

Keıbir shet elderge uzaq ýaqytqa ketýge qashyqtyǵy, ushý aqysynyń baǵasy, ol jaqta turǵyn úı jaldaý men oqý aqysynyń qalta kótermeıtindigi kedergi bolyp jatady. Alaıda keı memleketterdiń úkimeti jáne joǵarǵy oqý oryndary sapaly bilim alýǵa septigin tıgizetin shákirtaqylar usyna alady. Osy maqalaǵa sondaı múmkindikterdiń eń tıimdilerin toptastyrdyq.

Atalmysh shákirtaqylar jyl saıyn taǵaıyndalady. Olardyń keıbirine 2018-2019 oqý jyldaryna ótinim tastaýǵa áli de múmkindik bar. Ózgelerinde mundaı múmkindikter bolmaıdy. Kelesi oqý jylynyń merzimin durys saralaýyńyz úshin, biz ótken dedlaındardy kórsetýdi jón sanadyq.

Japonıa

Tokıo ýnıversıtetiniń shákirtaqysy

Tokıo ýnıversıteti jyl saıyn ýnıversıtet janyndaǵy «Graduate School of Science» («Ǵylymnyń joǵary mektebi»)  magıstrlik baǵdarlamalarynyń birine oqýǵa tapsyratyn stýdentter úshin shákirtaqylar taǵaıyndaıdy. Oǵan Japonıada turmaıtyn shet el azamattary úmitker bola alady. Shákirtaqy tolyq oqý merzimine eseptelip taǵaıyndalǵan, ári aı saıyn stýdentke 150000 ıen (1300 AQSH dollaryna jýyq) tólem qarastyrylǵan. Oqytý merzimi kem degende bes jylǵa sozylýy múmkin. Iaǵnı eki jyly magıstratýrany jáne úsh jyly aspırantýrany qamtıdy.

Oqýǵa jáne shákirtaqy alýǵa ótinim birge qabyldanady. Qarjylanyrýǵa jazǵan ótinimge Siz támamdap jatqan ýnıversıtetten joldaǵan usynysqat, sonymen qatar magıstrlik baǵdarlama boıynsha oqýǵa jazǵan ótinimińizdiń kóshirmesi tirkeledi. 2018 jyly qyrkúıekten bastap oqıtyndar úshin qujattardy qabyldaý 1-shi mamyrda aıaqtalyp, oqý jyly sáýirde bastalatyndar úshin 31-shi qazanda toqtatylady.

Qosymsha málimet →

Áıelder Ýnıversıtetiniń Japon assosıasy bólgen granttarmen shákirtaqylar

Japanese Association of University Women (JAUW) (Áıelder Ýnıversıtetiniń Japon assosıasy) uıymy PhD dárejesin alǵysy nemese postdoktorlyq zertteýlermen aınalysqysy keletin stýdent áıelderge shákirtaqy usynady. JAUW 1946 jylan bastap  áıelderdiń bilim alýyna qoldaý bildirip keledi. Qazirgi tańda bul uıym oqý merziminiń uzaqtyǵyna baılanysty 700 000-nan 1 000 000 ıenge deıingi kólemde  (~6 300 dan ~9 000 AQSH dollaryna deıin)  grant bóledi.

Shákirtaqy alýǵa  ótinim ýnıversıteke qabyldanǵannan keıin beriledi. Stýdentter oqý ornyn óz betinshe izdep, oqý baǵdarlamasyn ózi tańdaıdy. 2019-2020 jyldary bólingen shákirtaqy jaıly aqparat 2018 jyldyń qazan aıynda jarıalanady.

Qosymsha málimet →

Japonıa úkimetiniń baǵarlamalary

Japonıa úkimeti jaratylystaný, gýmanıtarlyq nemese áleýmettik ǵylymdar salasynda bilim alýdy josparlaǵan bolashaq bakalavr stýdentterine shákirtaqy taǵaıyndaıdy. Baǵdarlama aıasynda til úırený daıyndyq kýrstarynan ótýge de múmkindik bar.

Qarjylandyrýǵa Japonıamen dıplomatıalyq qatynas ornatqan kez-kelgen memlekettiń azamaty úmitker bola alady.
Oqý bas-aıaǵy bes jylǵa (bir jyl daıyndyq jáne tórt jyldyq bakalavrıat) sozylady.  Stýdenttiń jetken jetistikterine baılanysty keı jaǵdaıda shákirtaqynyń merzimin magıstratýraǵa deıin uzartylady. Úkimet jol men oqý aqysyn, sonymen qatar stýdenttiń basqa da qajettilikteri úshin aıyna 11700 ıen (~1 000 AQSH dollary) bóledi. Ótinim qabyldaý merzimi 25-shi mamyrda ótti.

Osyǵan uqsas shákirtaqy magıstratýra men doktorantýra stýdentteri úshin de qarastyrylǵan. Oqý baǵdarlamasyna baılanysty aı saıynǵy tólem 143000 ıendi (~1 300 AQSH dollary) quraıdy.  Eki baǵdarlama úshin de jyl saıyn ózgerip otyratyn jas boıynsha shekteýlerdiń baryn eskere ketý qajet.

Avstralıa

Monash ýnıversıtetiniń shákirtaqysy

Melbrýndaǵy bul ýnıversıtet shet eldik bakalavr stýdentterge tegin bilim alýyna zor múmkindikter beredi. Monash International Leadership Scholarship  (Halyqaralyq Monash kóshbasshylyǵy shákirtaqysy) shákirtaqysyna úmitker bolý úshin baǵdarlamaǵa shaqyrtý alý kerek, ári basqa shákirtaqylarǵa úmitker bolmaýy eskeriledi. Nátıje stýdenttiń akademıalyq jetistikterine jáne ázirlegen motıvasıalyq hatyna tikeleı baılanysty bolady.

Oqý merziminiń sońyna deıin shákirtaqy alý úshin bilim deńgeıiniń ortasha kórsetkishi 70%- dan tómen bolmaýy tıis, ári stýdent ýnıversıtettiń marketıńtik is-sharalaryna belsene qatysýy kerek.

Qosymsha málimet →

Melbrýn ýnıversıtetiniń baǵdarlamalary

Bul shákirtaqy PhD dárejesin ıemdengisi keletin stýdentterdiń jáne magıstrlerdiń oqý aqysyn tolyǵymen jabady. Sonymen qatar stýdentke 110 000 avstralıalyq dollar (~81 700  AQSH dollary) tólem qarastyrylǵan. Qarjylandyrý konkýrstyq negizde taǵaıyndalady. Ýnıversıtet stýdenttiń ótken oqý kezeńderindegi oqý úlgerimin, biliktiligin, jarıalaǵan ǵylymı jumystaryn tolyq eskeredi.

Zertteý salalaryna shekteý qoıylmaıdy. Óıtkeni shákirtaqyǵy jeke ótinim bolmaıdy, barlyq talapkerlerdi úmitker retinde qarastyrady. Dedlaın siz qujat tapsyrǵan naqty baǵdarlamaǵa baılanysty.

Qosymsha málimet →

Sonymen qatar, shet eldiń bakalavrıattar úshin Melbourne International Undergraduate Scholarship (Melbýrn halyqaralyq shákiraqysy) baǵdarlamasyn usynady. Baǵdarlama stýdenttiń oqý aqysy tolyq tóleıdi nemese 10 000 dollar (~7 400 AQSH dollary) kóleminde jeńildik alýǵa múmkindikter beredi. Munda da dedlaın baǵdarlamaǵa baılanysty ótedi, jáne barlyq túlekter avtomatty túrde shákirtaqyǵa úmitker retinde qarastyrylady.

Qosymsha málimet →

Avstralıa ulttyq ýnıversıtetiniń shákirtaqysy

Halyqaralyq qatynastar Ýnıversıteti magıstrlik baǵdarlamasy boıynsha bilim alatyn stýdentterge Hedlı Býlla atyndaǵy stepenıa tóleıdi. Oqý aqysyn tolyǵymen jabatyn bas-aıaǵy tórt shákirtaqy bólinedi. Ótinimge motıvasıalyq hat pen baǵdarlama boıynsha oqýǵa qajetti qujattar tirkeledi.

Qosymsha málimet →

Kanada

Negizinen Kanadada shákirtaqy PhD  jáne bakalavrıat baǵdarlamalary boıynsha bilim alatyn stýdentterge taǵaıyndalady. Sonymen qatar postdoktorlyq zertteýlerge bólinetin shákirtaqylar keń taralǵan.

Banting Postdoctoral Fellowships baǵdarlamasy

Bul baǵdarlama jumystary memleket ómirine oń yqpalyn tıgizedi dep tanylǵan zertteýshiler úshin taǵaıyndalady. Ótinim berý úshin úmitker Canadian Institutes of Health Research, Natural Sciences and Engineering Research Council (Densaýlyq saqtaý, jaratylystaný ǵylymdary jáne ınjenerlik zertteý boıynsha Kanada ınstıtýty) nemese Social Sciences and Humanities Research Council (Áleýmettik ǵylymdar men gýmanıtarlyq ǵylymdar boıynsha keńes) zertteý keńesterine kiretin bir ınstıtýtpen kelisý kerek.

Eki jylboıy stýdent jyl saıyn 70 000 kanadalyq dollardan (~53 500 AQSH dollary) alyp otyrady. Ótinim qabyldaý 19-shy qyrkúıekte  aıaqtalady.

Qosymsha málimet →

Vanier Canada Graduate Scholarships shákirtaqysy

Bul shákirtaqy zertteý keńesteri janynda jumys atqaratyn zertteýshiler úshin qarastyrylǵan. Qarjylandyrý úsh jyl boıy tólenedi de, 50 000 kanadalyq dollardy (~38 200 AQSH dollary) quraıdy. Úmitkerler 31–shi qazanǵa deıin tańdalady.

Qosymsha málimet →

Ontarıo úkimetiniń baǵdarlamalary

Doktorlyq dáreje alýdy kózdegen stýdentterge Ontarıo úkimeti Ontario Trillium Scholarship (Ontarıo Trıllıým shákirtaqysy) baǵdarlamasyn usynady. Qarjylandyrýǵa kez-kelgen zertteý salasy boıynsha provınsıadaǵy ýnıversıtetterdiń birine oqýǵa túsken stýdentter úmitker bola alady. Úkimet tórt jyl boıy, jyl saıyn 40 000 kanadalyq dollardan (~30 500 AQSH dollary) tólep otyrady. Siz shákirtaqyǵa ótinim bermeısiz, sebebi úmitkerlerdi ýnıversıttetiń ózi tańdaıdy.

Qosymsha málimet →

Ferlı Dıkınson ýnıversıtetiniń shákirtaqysy

Ýnıversıtetegi Prezıdenttik shákirtaqy stýdenttiń oqý jarnasyn tolyq tóleıdi. Bul úshin úmitker jaqsy akademıalyq úlgerimin kórsetýi, sonymen qatar 500-ge jýyq sózdi qamtıtyn esse jazýy tıis. Ótinim qabyldaý 15-shi qańtarda aıaqtalady.

Qosymsha málimet →

Toronto ýnıversıtetiniń shákirtaqysy

Lester B. Pearson International Scholarship Program (Lester B.Pırson Halyqaralyq shákirtaqysy baǵdarlamasy) stýdenttiń tek oqý aqysyn tólep qana qoımaı, onyń basqa da shyǵyndaryna qarjy bóledi. Qyrkúıek aıynyń 20-syna deıin úmitker támámdaǵan mektep ótinim berýi kerek. Shákirtaqyǵa ıe bolatyn stýdentti jetken jetistikteri men mektep ómirine qosqan úlesin negizge ala otyryp tańdaıdy.

Qosymsha málimet →

Jańa Zelandıa

Oklend ýnıversıtetiniń bıznes-mektep shákirtaqysy

2013-jyldan bastap bıznes-mektep Management, International Business, Marketing and Professional Accounting  Degree (Menedjment, Halyqaralyq bıznes jáne býhgalterlik esep) magıstrlik baǵdarlamalaryna shákirtaqy taǵaıyndaıdy. Qarjylandyrý mólsheri 30 000 jańazelandıalyq dollardy (~20 500 AQSH dollaryn) quraıdy. Oqý jyly sáýir aıynda bastalatyndarǵa ótinim qabyldaý 15-shi qańtarda, al  qyrkúıek aıynda bastaıtyndarǵa ótinim qabyldaý shildeniń 1-inde aıaqtaldy.

Qosymsha málimet →

Jańa Zelandıa úkimetiniń shákirtaqysy

PhD dárejesi úshin New Zealand International Doctoral Research Scholarship (NZIDRS) (Jańa Zelandıanyń jańa ǵylymı shákirtaqysy) shákirtaqysy bar. Qarjylandyrý úsh jylǵa sozylady. Oqý aqysy men stýdenttiń turǵyn úı aqysyn da qamtıdy. Shákirtaqyǵa ıe bolý úshin úmitkerdiń ortasha baǵasy 3,6 GPA nemese odan joǵary bolýy tıis, al josparly zertteý jumystary Jańa Zelandıanyń áleýmetti-ekonomıkalyq salasyna oń yqpalyn tıgizýi kerek. Ótinim berýdiń sońǵy kúni - 15 shilde. Shákirtaqy jyl saıyn beriledi, alaıda 2018 jylǵa ótinim qabyldanbaıdy.

Qosymsha málimet →

Oklend ýnıversıtetiniń jazǵy baǵdarlamalary

Oklend ýnıversıteti qysqa merzimdi jazǵy zertteý jobalaryna shákirtaqy taǵaıyndaıdy. Bundaı tájirıbe stýdentke aldaǵy oqýyna baılanysty óz josparyn anyqtaýyna septigin tıgizedi. Siz ózińiz qalaǵan sala boıynsha qajetti jobany tańdaýǵa, ýnıversıtet ustazdarymen birlese jumys jasaýǵa, sonymen qatar 6000 jańazelandıalyq dollar  (~4 100 AQSH dollary) shákirtaqy alýǵa múmkindigińiz bar.

Qosymsha málimet →

Oklend tehnologıalyq ýnıversıtetiniń shákirtaqysy

Ýnıversıtet PhD dárejesine úmitker stýdentterdi qarjylandyrady. Oqý aqysyn tóleıdi, ári jyl saıyn 25000 jańazelandıalyq dollar  (~17 100 AQSH dollary) kóleminde shákirtaqysymen qamtamasyz etedi. Ótinimge túıindeme, zertteý usynysy jáne aldyńǵy oqý ornynan berilgen baǵa transkrıpti tirkeledi. Ótinim qabyldaýyń sońǵy kúni — 15 qazan.

Qosymsha málimet →

Irlandıa

Irlandıa kóptegen shákirtaqy usynǵanymen kóbi oqý aqysyn tolyq jaba almaıdy. Shyǵyndardyń edáýir bóligin tóleı alatyn tek eki nusqany atap ótsek bolady.

Irlandıa úkimetiniń baǵdarlamasy

International Education Scholarship (Halyqaralyq bilim shákirtaqysy) baǵdarlamasy barlyq mamandyqtarǵa jáne oqytý deńgeılerine shákirtaqy taǵaıyndaıdy. Oqý jarnasy men bir jyldyq turǵyn úı aqysyna 10 000 evro bóledi. Kelesi oqý jylyna 60 shákirtaqy bólingen.

Qosymsha málimet →

Irlandıa ulttyq ýnıversıtetiniń baǵdarlamasy

PhD dárejesine úmitkerlerge ýnıversıtette Hardiman PhD Scholarships (Harıdman PhD shákirtaqysy) baǵdarlamasy bar. Shákirtaqy oqý jarnasyn tolyq tóleıdi, sonymen qatar jyl saıyn 16 000 evro kóleminde tólem qarastyrylǵan. Úmitkerlerdi akademıalyq jáne qoǵamyq jetistikteri negizinde qabyldaıdy.

Qosymsha málimet→

Islandıa

Islandıanyń oqý oryndary shákirtaqyny az bóledi, al keıde tipti múlde taǵaıyndamaıdy. Alaıda keıbir elderdiń azamattary úshin memlekettiń tili men mádenıetine baılanysty bilim alýǵa múmkindikter beriledi.

Islandıa ýnıversıtetiniń shákirtaqysy

Islandıa úkimeti ısland tilin úıretý baǵdarlamalary úshin qarjy bóledi. Stýdentter til biliminiń bastapqy deńgeıin bilýleri kerek. Baǵdarlama boıynsha bilim alýdyń bir jylyn ýnıversıtet tóleıdi. Aı saıyn stýdenttiń qajettiligine qarjy bólip otyrady. Úmitkerler qujat tapsyrarda túıindemesin, eki dana usynys hatty, transkrıptter men til meńgerý sertıfıkattaryn usynýlary qajet. Qujat qabyldaý jeltoqsan aıynyń birine deıin jalǵasady.

Qosymsha málimet →

---