Júrgizýshi kýáligin onlaın aýystyrýǵa bolady
El turǵyndary júrgizýshi kýálikterin mamandandyrylǵan HQO-ǵa barmaı-aq, kez-kelgen ýaqytta elektrondyq úkimet portaly arqyly aýystyra alady.
«Mamandandyrylǵan halyqqa qyzmet kórsetý ortalyqtaryna júrgizýshi kýáligin aýystyrý úshin keletin azamattardyń sany kúrt óskendigi belgili boldy. Osy rette, kólik júrgizýshileri úıde otyryp-aq, kez-kelgen ýaqytta elektrondyq úkimet portaly arqyly aýystyra alatynyn esterińizge salamyz. Bul ádis uzyn-sonar kezekte turý májbúrliginen qutqaryp qana qoımaı, ýaqytty únemdeýge de múmkindik beredi», - delingen habarlamada.
Ondaǵy málimet boıynsha, júrgizýshi kýáligin onlaın tártipte aýystyrý qyzmetin alý ońaı ári jyldam. Aldymen egov.kz portalyna kirip, elektrondyq ótinishti toltyryp, elektrondyq sıfrlyq qoltańbamen rastaý qajet. Ótinishpen qosa fotosýret jáne qoıǵan qolynyń skan-sýreti de joldanady. Jeke kabınetke qujattyń daıyn bolǵandyǵy týraly habarlama kelgen soń (mobıldi azamattar bazasyna tirkelgen jaǵdaıda habarlama SMS túrinde keledi) mamandandyrylǵan HQO-ǵa baryp, daıyn JK alyp ketýge bolady.
Bólimge barǵanda, aýystyratyn JK, jeke basyńyzdy kýálandyratyn qujatty, ótinish pen baj salyǵyn tóleý týraly elektrondyq chekti usyný qajet. Aıta ketsek, júrgizýshi kýáliginiń baj salyǵy burynǵydaı 1,25 AEK, ıaǵnı 3 006,25 teńgeni quraıdy.
Eger JK merzimi ótip ketse, psıhıatrlyq jáne narkologıalyq dıspanserden anyqtama, 083-nysandaǵy medısınalyq anyqtamany aparý qajet.
«Júrgizýshi kýáligin onlaın tártipte aýystyrý qyzmetin bıyl jyl basynan beri 1,6 myń adam paıdalanǵan», - deıdi baspasóz qyzmetindegiler.
Aıta keteıik, qazirgi ýaqytta Qazaqstanda mamandandyrylǵan HQO – Astana, Almaty, Qaraǵandy, Taraz, Aqtaý, Pavlodar, Petropavl, Qyzylorda, Taldyqorǵan, Qostanaı, Aqtóbe jáne Shymkent qalalarynda, sondaı-aq eki mamandandyrylǵan HQKO sektory Almatyda jáne Ońtústik Qazaqstan oblysynyń Saıram aýdanynda jáne t.b. óńirlerde jumys isteıdi.Búginde Qazaqstannyń mamandandyrylǵan halyqqa qyzmet kórsetý ortalyqtarynda 161780 júrgizýshi kýáligi berilip, 592346 avtokólik tirkelipti. Al, elimizdegi eń alǵashqy mamandandyrylǵan HQO 2012 jyldyń jeltoqsan aıynda Qaraǵandy qalasynda pılottyq rejımde iske qosylǵan bolatyn.
You Might Also Like
-
Jyl sońyna deıin Mańǵystaýda oblys boıynsha barlyq 134 mektep pen 111 densaýlyq saqtaý mekemelerin «Qazaqtelekom» AQ-men birge joǵary jyldamdyqtaǵy ınternetpen qamtamasyz etýdi josparlap...
-
Ózdiginen ushatyn apparattar elimizdiń shalǵaı aımaqtaryna sálemdemeler taratyp, poshta qyzmetin jeńildetýge kómektesip jatyr. Bul týraly «Qazposhta» AQ Mańǵystaý oblystyq fılıalynyń dırekt...
