InfoHub Logo

Telefonǵa telmirip, túkke turǵysyz san myń aqparatty alýǵa mashyqtanyp qalǵan jastardyń sanalary, kóp nársege alańdamaıdy. Al bundaı jastarǵa ıe memlekettiń bolashaǵy bulyńǵyr.

Óz eli, halqy úshin, týǵan jeri úshin bir haıyrly is isteý, ony júrekpen súıý, tilin, ádep ǵurpyn qurmetteý, ultynyń san ǵasyrlyq tarıhyn bilý bul árbir azamattyń boryshy. Egerde dál osyndaı sana sezimmen bala tárbıelenip ósetin bolsa, onyń haıyry kóp bolary anyq. "El máselesi-meniń máselem" dep ósken baladan qalaı ǵana aınalyp ketpeısiń. Adam óziniń súrgen ómirinde tek óz qamy úshin eńbek etpeýi kerek. Óz eli úshin, aınalasyndaǵylar úshin qam jegeni abzal. Qazirgi tańda jastardyń kóp bóligi, ýaıymdatarlyq is tanytyp júr. Damý jolynda emes, kúıreý jolynda aıanbaı eńbek etedi. Sanaǵa syımaıtyn myń-san jaman, ersi nárselerge qumar. Ulttyq sana sezim men ulttyq bolmystan ada.
Áleýmettik jelide óziniń qadir qasıetin ketirip, qazaqqa tán emes, qazaqy bylaı tursyn jalpy adamzat balasyna tán emes qylyqtar jasaıdy. Al bul isiniń uıat, durys emestigin aıtsań ózińe qarsy shabady.

Qazirgi kezde kórshi elderge elikteýshilik beleń alǵan. Muhtar Shahanov atamyzdy"Batystyń sıvılızasıasyn alamyn dep, kanalızasıasyna túsip ketpeńder" degen sózinen, qazirgi jastardyń qaıda túsip ketkenin baıqaýǵa bolady.

Meniń oıymsha bul kórshi elderdiń saıasaty. Ulttyq qundylyqtaryn joǵalqan, óziniń kim ekenin bilmeıtin halyqty basyp alý op ońaı.
Qazirgi jas jetkinshekter, 20-30 jyl ishinde memleket basshysyna aınalady. Bunymen ne degim keledi. Bolashaq, jastardyń qolynda. Al sol jastardyń búgingi essizdigi, keıin tutas eldiń qasiretine alyp keledi. Sondyqtanda eldiń tutastyǵymen, bolashaqtyń jarqyndyǵy úshin esimizdi jıyp, sanamyzǵa sanaly nárse oılataıyq.

Omar Zakırov

---