InfoHub Logo

Java shynynda da jelilik ortada qundy qural bolyp tabylady. Biraq ol tek onymen shektelip qalmaıdy. Java tili ártúrli baǵdarlama jasaý úshin qoldanylatyn ýnıversaldy til. Oǵan qosa Java platformaǵa táýelsiz proekter jasaý úshin qoldanylady. Baǵdarlaýdyń qarapaıymdylyǵy jáne qaýipsizdik amaldary tez jáne túsinikti kod jazýǵa múmkindik beredi. Basqa baǵdarlaý tilderinde keńinen taraǵan qateler Java baǵdarlamalarynda bolmaıdy. Desekte, barlyq ishki ádis-amaldaryna qaramastan Java baǵdarlaý tili qarapaıym, úırenýge ońaı til.

Artyqshylyqtary:
Arhıtektýraǵa táýelsiz
Internet baǵdarlamalar úshin minsiz
Bir ret jazylǵan kod basqa jerlerde oryndalady
Kóp aǵymdy
Baǵdarlamalar jeli arqyly tapsyrmany oryndaı alady
Dınamıkaly
Kod qajet bolǵan jaǵdaıda ǵana qoldanylady
OOP-nyń bar bolýy
Java baǵdarlaý tili qazirgi OOP negizine sáıkes baǵdarlamalar jazý úshin qoldanylady
Jad basqarylmaly
Jad avtomatty túrde bólinedi
“Garbage collector” qoldanylmaıtyn jadty óshirip otyrady
Senimdi
Qatty tıptelgen
Kórsetkishter joq (S baǵdarlaý tilin ótkende túsinesizder :-))
Qarapaıym
Bir-birimen óte jaqsy qıysqan tildiń elementteri onyń qoldanysyn jeńildetedi.

Java baǵdarlaý tili – ol JDK (Java Development Kit). Iaǵnı, baǵdarlaý tili bir-birimen toptasqan kóptegen kishkentaı bólshekterden, klasstardan, turady. Demek, Java-da jazylǵan baǵdarlamalar, negizinde, osy klasstardyń jıyntyǵyn, paketterdi, qoldanady.

Sonymen, Java-da baǵdarlaý kezinde qoldanylady:
Java-nyń strandartty paketterindegi klasstar
Ózimiz jańadan jazǵan klasstar
Basqalardyń kópshilik úshin jazǵan klasstary

Java-da baǵdarlamanyń jazý prosesi:
Jazý: .java faılyn jazý arqyly ózimizdiń klassty anyqtaımyz.
Kompılásıa: jazylǵan .java faıldy Java kompılátoryna jiberip .class faıldy alamyz.
Oryndaý: paıda bolǵan .class faıldy Java ınterpretatoryna kodty oryndaý úshin jiberemiz.

Java kompılátory – jazylǵan kodty oryndaý úshin daıyndaıdy jáne baıt-kody bar .class faıldy shyǵarady. Eger kompılásıa kezinde qateler bolsa, onda kodtaǵy qatelerdi túzetip qaıtadan kompılásıadan ótkizý kerek.

Baıt-kod – Java vırtýaldy mashınasynda oryndalatyn ońtaılandyrylǵan nusqaýlardyń jıyntyǵy. Iaǵnı, JVM baıt-kodtyń ınterpretatory. Bul ádis basynda ádettegiden tys bolyp kórinýi múmkin, óıtkeni qazirgi kezdegi baǵdarlaý tilderiniń kompılátorlary baıt-kodty shyǵarmaı birden oryndalatyn kodty shyǵarady (.exe). Biraq bundaı ádistiń ózindik artyqshylyqtary bar jáne jyldamdyq erekshelikteri zor emes.

Java ınterpretatory (JVM – Java Virtual Machine) – .class faıldy oqyp ony kompúterge túsinikti tilge aýdarady, ıaǵnı baǵdarlamany oryndaıdy.

---