InfoHub Logo

OQO, Báıdibek aýdany, Shaıan aýyly,
№1 Jalpy orta mektep-ınternatynda tárbıeshi
Oskenbaeva Aknýr

Taqyryby: Jeńis kúni
Maqsaty: Uly Otan soǵysyndaǵy Qazaqstandyqtardyń erligimen tanystyra otyryp, Jeńis qýanyshyn sezdirý. Balalardy eki topqa bólý arqyly:
Til baılyǵyn damytý. Beıbitshilik týraly túsinigin keńeıtý. Otanyn súıýge, qorǵaı bilýge tárbıeleý.
Kórnekiligi: proektr, taqta.
Túri: saıahat sabaq.
Ádis - tásilderi: toppen jumys, suraq – jaýap, oıyn, tirek syzba.

Barysy:
İ. Uıymdastyrý kezeńi
1. Tárbıeshiniń kirispe sózi.
- Qurmetti qonaqtar, «Baldyrǵan» tobynyń «Jeńis kúni» atty arnaıy tárbıe saǵatyn ashýǵa ruqsat etińizder.
- Án: Án uran

2. Toptarǵa bólý
- Sabaqty qandaı kóńil - kúımen bastaımyz?
- Balalar, topqa bólinbes buryn oıyn oınaıyq!

Kim zerek?
Oıyn sharty:
Myna tómendegi sózderdiń ekinshi áripin tere otyryp sóz qurap alamyz.
Sámet, alma, jıyrma, Aıaýlym (Álıa)
Aman, kámpıt, ana, ashyldy, kún, úki (Mánshúk)
Jaraısyńdar!

İİ. Qyzyǵýshylyǵyn oıatý:
– Batyr degen sózdiń maǵynasyn ashý.
Batyr
↓
Zor deneli;
jerin súıetin;
elin súıetin;
jaýdan qorǵaıtyn;
qarý - jaraǵy bar.

 – Uly Otan soǵysyna qatysqan qandaı batyrlardy bilesińder?
Olarǵa ne sebepti «Batyr» ataǵy berildi?

Sıqyrly san. (Bul sandar neni bildiredi?) 1941 - 1945
Uly Otan soǵysy
1941jyly 22 - shi maýsymda bastalyp, 1945 jyly
9 mamyrda aıaqtaldy. Keńes eli jaýdy jeńip, jeńiske jetti.

 Uly Otan soǵysy kezindegi Qazaqstandyqtardyń qosqan úlesi zor.
 Jeńis ońaılyqpen kelgen joq.
 1941 - 1945 jyldary Qazaqstanda 460 zaýyt, fabrıka, kásiporyndar salyndy. Onda soǵysqa qajetti mına, snarád, radıoquraldar, tehnıka shyǵaryldy. Sonymen qatar mys, kómir, metal óndirildi.
 Qaraǵandy shahterleri 4 jyl ishinde
 34 mln. tonna kómir óndirdi.
 Atylǵan árbir 10 oqtyń 9 - y Qazaqstan metalynan quıylǵan.
 Bular kimder? Olar týraly ne bilesiń?
Uly Otan soǵysyna qatysqan Qazaqstandyqtardyń sýreti.
 Uly Otan soǵysy kezindegi Qazaqstandyqtardyń qosqan úlesi. Jeńis ońaılyqpen kelgen joq.
 1941 - 1945 jyldary Qazaqstanda 460 zaýyt, fabrıka, kásiporyndar salyndy. Onda soǵysqa qajetti mına, snarád, radıoquraldar, tehnıka shyǵaryldy. Sonymen qatar mys, kómir, metal óndirildi.
 Qaraǵandy shahterleri 4 jyl ishinde 34 mln. tonna kómir óndirdi.
 Atylǵan árbir 10 oqtyń 9 - y Qazaqstan metalynan quıylǵan.
 Maıdandaǵy erlikteri úshin qazaqstandyq 499 jaýyngerge Keńes Odaǵynyń Batyry ataǵy berildi.
 Qazaqstanǵa soǵys órti shalǵan jerlerdiń turǵyndary kóshirildi, onyń ishinen 10 myńdaı balany qazaq otbasylary asyrap aldy.

İII. Maǵynany taný «Rebýs» sheshý
Sheshýi: Jeńis kúni

Jeńis kúni
↓
Gúl shoqtaryn qoıamyz
Týlar jelbireıdi
Jylda toılaımyz
Kóp qýanysh
Án aıtamyz
 Bizderge beıbit ómirdi kim syılady? «Batyrdyń aty ólmeıdi» dep nege aıtamyz?
 Uly Otan soǵysyna qatysqan, mert bolǵan jaýyngerlerge arnap eskertkishter qoıylǵan. Solardyń atymen atalǵan murajaılar, kósheler, mektepter óte kóp. 9 Mamyr – Jeńis kúni eskertkishterge gúl shoqtary qoıylyp, taǵzym etedi.
 Batyrlyq, erlik týraly qandaı maqal - mátel bilesińder?

«Álıa» toby
Qoıandy qamys óltiredi
Batyrdy namys óltiredi.

«Mánshúk» toby
Batyrdyń aty ólmeıdi
Ǵalymnyń haty ólmeıdi.

IV. Sergitý sáti.
«Bul qaı batyr?»
1) a, l, t, ǵ, a, t.
2) ı, ıa, l, á.
3) b, ý, j, a, a, n, y, r.
4) á, m, n, sh, k, ú.

Tolyq nusqasyn júkteý