InfoHub Logo

Eger tabysqa jetkińiz kelse, myna alty keselden boıyńyzdy aýlaq ustańyz: maýbastyq, jalqaýlyq, qorqaqtyq, ashýshańdyq, ýaqytty bosqa ótkizý jáne jasqanshaqtyq.

Djekı Chan

Tabysty bolý jáne eńbek etý jolyndaǵy alǵashqy jáne eń mańyzdy kedergi - jalqaýlyq. Munyń qaınar kózi basqalar emes, tikeleı ózimiz, óz nápsimiz bolyp tabylady. Jalqaýlyq adamnyń qarsy aldyna shyǵyp, jigitshe aıqasatyn dushpan emes. Ertegilerdegi periler sekildi ár túrge enip, ár túrli aıla qoldanyp, aıaqtan shalatyn alaıaq ispetti. Jalqaýlyq densaýlyq turǵysynan týyndap jatsa, dárigerge qaralý kerek. Rýhanı bosańdyq, nemquraılyq, jeńiltektik túrinde bolsa muny jeńýge tyrysý kerek. Eńbekqor adamdarmen birge bolý, jalqaý adamdardan uzaq turý kerek.

Jetistik pen eńbekqor bolýdyń ekinshi dushpany - nashar dostar. Bul kedergi de aldamshy, betperdeli keledi. Nashar dostar seniń qamyńdy oılap, qamqor bolyp jatqansymaq kórinedi. Onsyz da jalqaýlyq nashar dostardyń aıdaýymen bastalady, ýaqyt ótýimen ádetke aınalady. Dostyń jamany jumys istep jatqan adamdardan mazasy qashady, tabystarymen eńbekterin kemsitip, keleke etý arqyly raıynan qaıtarady.

Jetistik pen eńbek etýdi tejeıtin basqa da faktorlar bar. Qysqasha tizbekteıtin bolsaq:

- Oıyn-saýyqtyń kóptigi;

- durys emes tálim júıesi;

- jetekshiniń nashar bolýy;

- jumys istep jatqandardyń marapattalmaýy;

- zańsyz tabys kózderiniń jabylmaýy t.b..

Jetistik pen eńbekqor bolýdyń aldyna shyǵatyn kedergilerdiń barlyǵyn jigerli, tabandy bolý arqyly asyp ótýge bolady. Bıikterdi baǵyndyrǵan adamdardyń kóbi jiger, qaırat, tabandylyq tanytqan adamdar.

---