Sybaılas jemqorlyqtyń 50 paıyzy mektepke deıingi mekemelerge qarjy bólý kezinde jasalady
Sybaılas jemqorlyqtyń 50 paıyzy mektepke deıingi mekemelerge qarjy bólý kezinde jasalady. Bul týraly «Aımaq» óńirlik damýǵa jáne jergilikti ózin-ózi basqarýǵa járdemdesý qorynyń prezıdenti Aıgúl Soloveva aıtty.
«Áleýmettik zertteýlerge sáıkes sybaılas jemqorlyq quqyq buzýshylyqtardyń 50 paıyzdan astamy mektepke deıingi uıymdardy qarjylandyrý barysynda jasalady», - dedi ol «Atameken» UKP kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl keńesiniń otyrysy barysynda.
Osy rette atalǵan keńestiń tóraǵasy Qaıyrbek Súleımenov Esep komıtetiniń respýblıkalyq búdjettiń oryndalýyna júrgizgen baqylaýynda elimizdiń Bilim jáne ǵylym mınıstrligindegi aýdıtten búdjettiń 43,2 mlrd teńgesi tıimsiz qoldanylǵany anyqtalǵandyǵyn eske saldy. Sonymen qatar 16,9 mlrd teńgege qarjylyq zań buzýshylyq oryn alǵan.
«Qarastyrylyp otyrǵan másele búdjettik tikeleı baılanysty. Mektepke deıingi bilim berý uıymdaryn qarjylandyrý tek múddeli memlekettik organdardyń ǵana emes, sonymen birge quqyq qorǵaý organdarynyń da jiti nazarynda bolýy tıis», - dep atap ótti Qaıyrbek Súleımenov.
QazAqparat
You Might Also Like
-
Sizben kelispeıtinterden emes, sizben kelispeı, biraq aıtýǵa batyly barmaıtyndardan qorqý kerek. Napoleon Bonapart
-
Shymkent agrarlyq kolejiniń ZOO9-151 tobynyń stýdenti Nýrmahamedova Jibekjan Jetekshisi: Nýrseıtova Aınýr
