InfoHub Logo

Jylanjegish qyran — iri (salmaǵy 1-1,5 kg), qanatty jyrtqysh. Ol úlken basy, ashyq sary úlken kózderi, uzyn kóldeneń jolaqty quıryǵy bar, kishileý qyranǵa uqsas qus. Qursaǵy aq tústi, qanattarynyń astyńǵy jaǵy jińishke kóldeneń syzyqtarmen órnektelgen, moıny men jemsaýy qara tústi, ushqanda jaqsy kórinedi. Daýysy mıaýlaǵan, biraq óte sırek estiledi. Jylanjegish qyran jeńil ushady, qalqıdy, al jemtigin kórgen kezde, kúıkentaı sıaqty, qanattaryn qaǵyp, aýada toqtaı qalady. Jylandar men kesirtkelermen qorektenedi, olardy óte bıikte ushyp júrip qaraıdy. Usaq sútqorektiler men qustardy sırek jeıdi. Uıasyn ádette aǵashqa, keıde jartasqa salady. Mundaı iri qus úshin — uıasy óte kishkentaı. Jalǵyz aq tústi jumyrtqasyn analyǵy men atalyǵy kezektesip basady, balapandaryn da birge asyraıdy.

Qazaqstannyń barlyq ońtústik bóligindegi qumdy shólderde, shóldi taýlar men qurǵaq taý bókterlerin mekendeıdi. Sany naqty anyqtalǵan, biraq sońǵy on jyldyqtarda onyń kemýi jaqsy baıqalady. Negizgi sebepter: elektr taratý júıeleriniń tirekterindegi ólim-jitim, qasaqylardyń tikeleı qyrýy, uıa mańynda mazalaý faktorlary. Qazaqsatnnyń Qyzyl kitabyna engizilgen.

 

 

 

---