Jurtshy
Jurtshy — jyrtqysh qustar otrádynyń ókili. Dene pishini ortasha (qanatynyń qulashy 150-170 sm, salmaǵy 2 kg), tumsyǵynyń aınalasynda jalańash qyzyl terisi bar jyrtqysh qus. Eresek jurtshy aq qaýyrsyndy, tek qanatynyń ushynda qara jolaǵy bolady, balapandary qońyr tústi. Jurtshyny kez-kelgen jasynda, ushyp júrgende jalpaq qanattary men ushyna qaraı jińishkelengen quıryǵynan bilýge bolady. Afrıkanyń, Ońtústik Eýropanyń jáne Azıanyń taýlarynda keń taraǵan.
Qazaqstanda Tán-SHan silemderin, Ústirt pen Mańqystaýdyń qulama jarlaryn mekendeıdi. Shóldegi taýlardyń quzdy-jartasty jerlerin nemese iri jotalardyń qurǵaq bókterin unatady. Ár túrli ólekselermen qorektenedi. Sany az ári biraz kemip kele jatyr. Sanynyń azaıý sebepteri — zańsyz aýlaý, qaqpanǵa túsýi, qaqpan mańyndaǵy ýlanǵan jemdi jep alýy. Qarataý men İle alqabynda qoryqtar uıymdastyryp, zańsyz aýlaýshylarmen kúresti kúsheıtip, sondaı-aq ýlanǵan jemderdi paıdalanýdy shekteý sharalaryn belgileý kerek.
Oqýǵa keńes beremiz:
Búginge deıin belgisiz bolyp kelgen 15 janýar
Álemdegi eń qatty tisteıtin (shaǵatyn) tirshilik ıeleri
Janýarlarda ıntellekt bar ma?
You Might Also Like
-
Jyrtqyshtar — sútqorektilerdiń bir otrády. Avstralıa (tek jersindirilgen túrleri ǵana bar) men Antarktıdadan basqa qurlyqtardyń barlyǵynda keń taralǵan. Qazaqstanda 5 tuqymdasy (ıt, aıý, janat,...
