InfoHub Logo

Nájimedenov Jumeken Sabyruly — qazaq aqyny, jazýshy.

1935 jyldyń 28 qarashasynda Gýrev (Atyraý) oblysy Tengiz (qazir Qurmanǵazy) aýdanyndaǵy Ashaq degen jerde dúnıege kelgen. Jumeken atasy Nájimeden Stamǵazıevtiń baýyrynda ósip, tárbıe alǵan. Sóz ben tarıh jáne týǵan halqynyń dástúrlerine degen ystyq súıispenshilik sezimdi bala boıynda qalyptastyrǵan sol kisi. Nemeresine óziniń ataqty babalary Qartpanbet jyraý (altynshy ata) men onyń ápkesi Qosýan (Mahambet Ótemisulynyń týǵan sheshesi) týraly syr shertetin.

1956-59 jyldary Qazaqtyń memlekettik konservatorıasynda oqyǵan. Sodan keıin «Jazýshy» baspasynyń redaktory, «Lenınshil jas» gazetinde bólim meńgerýshi, Qazaqstan Jazýshylar odaǵynda ádebı keńesshi, Baspalar jónindegi memlekettik komıtettiń redaktory, «Mektep» baspasynda bólim meńgerýshi bolyp qyzmet atqarǵan.

Jumeken Nájimedenovtiń alǵashqy «Egis» lırıkalyq jınaǵy 1961 jyly jaryq kórdi. Tórt jyldan keıin «Joq, umytýǵa bolmaıdy» atty poemalar jınaǵy shyqty. J. Nájimedenovtiń tiri kezinde barlyǵy on óleńder jınaǵy men «Aq shaǵyldar» (1973 jyl), «Kishkentaı» (1975  jyl), «Ataq pen daqpyrt» (1978 jyl) atty úsh romany basyldy.

Jumeken Nájimedenov óziniń 48 jasqa tolýyna alty kún qalǵanda, 1983 jyldyń 22 qarashasynda dúnıeden ozdy. Aqyn óliminen keıin jaryq kórgen on jınaǵyna tiri kezinde jarıalanbaǵan óleńderi, poemalary, povesteri men romandary, maqalalary men aýdarmalary jáne on kúı endi. Onyń shyǵarmalary kóptegen tilderge aýdarylyp, basyldy. Aqyn A. Voznesenskııdiń, E. Evtýshenkonyń, N. Hıkmet pen Á. Faızı shyǵarmalaryn aýdarǵan.

Jumeken Nájimedenov Qazaqstannyń qazirgi ánuran mátininiń avtory. «Meniń Qazaqstanym» áni onyń shyǵarmashylyq jolynyń basynda, aqynnyń 21 jasynda jazylǵan.

2006 jyldyń 11 qańtarynda «Meniń Qazaqstanym» áni eldiń memlekettik ánurany sıpatynda alǵash ret astanalyq «Aqorda» rezıdensıasynyń shańyraǵy astynda, Nursultan Nazarbaevtyń Qazaqstan Prezıdenti laýazymyna saltanatty túrde kirisý sátinde oryndaldy.

Negizgi shyǵarmalary
• «Kúı kitaby», poezıalyq jınaǵy
• «Ashyq aspan», poezıalyq jınaǵy
• «Meniń topyraǵym» poezıalyq jınaǵy
• «Dańq pen daqpyrt», roman
• «Kishkentaı», roman
• «Aq shaǵyl» roman t.b.
• Qazaqstan Respýblıkasy Memlekettik Ánuranynyń (mátini) avtory.

Oqýǵa keńes beremiz:

Jumeken Nájimedenovtyń týyndylary

Jumeken Nájimedenovtyń óleńderi

Jumeken Nájimedenovtyń naqyl sózderi

---