Jolbarys jegen túlki
Birde timiskilene súmeńdep kele jatqan túlkige toǵaıdy sharlap júrgen jolbarys kezdesipti. Sonan soń ekeýi joldas bolyp, sapar shegipti. Keshke taman bir kóldiń jaǵasyna kelip, sol arada túnemek bolypty. Jardyń qabaǵyna jatypty. Uıqtar mezgil bolǵanda:
– Meniń uıqym qatty edi, aýnaqshyp jatyp, jardan qulap ketermin. Túlkijan, sen meniń oń jaǵyma jatshy, – depti jolbarys.
Túlki seriginiń aıtqanyna kónip:
– Jaraıdy, aıtqanyń bolsyn, – dep, kórsetken jerge jatypty.
Bir ýaqytta jolbarys pyryldap, uıqyǵa ketedi. Al túlki sol kezde bildirmeı túregelip, oryn aýystyryp, jolbarystyń irge jaǵyna shyǵyp alypty. Sonan soń:
– Aı, jóke, ary taman jatshy, meni basyp, janshyp tastaıtyn boldyń ǵoı, – dep, ıterip-ıterip qoıady.
Osylaısha jolbarysty jyljyta-jyljyta jardan ushyryp jiberipti. Jolbarys qazaǵa ushyrapty. Erteńine túlki qulap ólgen jolbarystyń etine toıyp alyp, óz jónine kete beripti.
You Might Also Like
-
Ertede bir sarań baı bolypty. Onyń adam balasynda joq jalǵyz qula tulpary bar eken. Baı qula tulparynyń tuqymyn ósirip, dańqyn asyra túskisi kelipti. Sóıtip, qula tulpardyń qasyna bir bıeni qosyp, ...
-
Bir kúni alys sapardan sharshap, boldyryp kele jatqan túlki jol jaǵasynda jortaqtap júrgen qoıandy kóripti. Sonan soń túlki aýyrǵan bolyp, qoıannyń jolyna sulaı ketedi de ony qasyna shaqyrady.
