InfoHub Logo

Keshire gór, seniń kim ekenińdi bilmeımin. Biraq tanymaıdy eken deme, ezińdi kórsem tarpa bas salar edim. Al sońǵy atyń «Taýuly» maǵan kim edi bul? degen suraq qoıady. Óıtkeni búl ataq men Almatydan ketkennen keıin paıda bolǵan. Ásirese Baýbektiń qazalanýymen baılanysty kezdestirdim men «Taýulyn». Taýyp qoıylǵan ataq. Meniń aldymda «S. Q» -nyń 122-sany jatyr. Qaı kúni shyqqany belgisiz. Almatydaǵy baspa mamandary áskerge jóneltiletin gazet bolǵandyqtan, saqtyqqa salynyp, kúnin jóndi túsirmegen bolý kerek. Másele onda emes. «Dostyq qaryzynda». Keshir, qate jazdym. «Dos qaryzy» eken. Men muny qazir ǵana oqyp shyqtym. Tek oqyǵanym joq, jan júıem eljirep oqydym. Kózimnen yrshyp ketti ystyq jas. Demek, sen jan saraıyma ene bildiń. Múmkin munyń ishindegi adamdar seniń qandaı dosyn bolsa, meniń de sondaı jaqyndarymnyń atymen baılanysty shyǵar. Baýbekti de, Hasendi de men jaqsy bilemin. Asyl adamdar edi. Baýbek bir jaz meniń qaramaǵymda istedi. Karl Marks kóshesindegi 20-úıde men onyń tuńǵysh dastanyn tyńdadym. Oqyp bolǵannan keıin onyń qara kózi jaýtańdap, maǵan qadaldy. «Káne, aǵa, ne aıtasyń?» degen suraq bar edi ol kózde. «Dastanyńdy aıaqta, qaraǵym. Oqıǵasy áli óris ala qoımaǵanymen óleńdik máni tereń jatyr», — dedim men. Baýbek kúlip jiberdi. (Keshir, syımaı qaldy. Ekinshi qaǵazǵa jazý kerek).

...Múmkin ol menen mundaı jaýap kútpegen-aq shyǵar...

Men maıdanǵa kelgende Baýbekpen hat arqyly habarlasyp turdym. «Baýyrym» dep jazar edi ol únemi. Bizdiń redaksıaǵa kelý týraly keńesti. Men bastyqtarǵa aıttym. «Óziń bastyq bolmaǵan soń ómirińniń ishin uraıyn», — der edi Kúzenbaı degen atamyz. Sol aıtqandaı aldyrý qoldan kelmedi. Sóıtip júrgende qazalanyp ketti. Keleshegi bar edi. Saqtaý kerek edi. Qynjyldym. Ajalyna ózim sebepshi bolǵandaımyn. Qaıran jas, aqyrǵy mınýtynda ne dedi eken. Biler me edim!

Osymen seniń Baýbek jónindegi eki áńgimeńdi oqydym. Unady maǵan. Adamnyń, soldattyń qatań júregin terbep, aıanysh sezimin oıatady. Kekke shaqyrady. Osy alǵan stıliń óte unamdy. Seniń bul áńgimeleriń Baýbek eńbeginiń jalǵasy tárizdi. Shyǵys ulynyń ornyn Taýuly joqtatpas. Senen atyńa laıyqty asqar nárse kútemin, baýyrym.

Endigi áńgime qalyńdyqtar týraly. Árıne seniń alyp otyrǵanyń ıdeal bolarlyq áıelder. Qaryndastardyń báriniń mahabbaty osy tárizdi taza bolǵaı da. Tilek te sol, biraq, dos qaryzy erge shyqpaýda emes. Árıne, biletin dostyń qalyńdyǵy erge shyqsa, onyń dosyna aýyr - aq,. Men ózim de qyzǵanar edim, ólik úshin. Alaıda olarǵa bala asyratyp, ómir, tirshilik zańyna kedergi jasaýǵa qosylmas ta edim men. Múmkin qate shyǵar pikirim. Sen romantıkaly áıelder izdeısiń. Durys - aq. Degenmen, Nekrasovtyń aıtqan shyndyǵy shyndyq. Umytpaıtyn tek ana. Qasiretin qaldyrmaı kórge kóterip jetetin ana ǵana. Bul tek anaǵa tán qasıet. Keshir, inim, kep jazdym. Munyń bári súısinip oqyǵandyqtyń belgisi. Topshyń birsypyra qataıa kelgen tárizdi, endi sharyqtap, qıaǵa kóterilýińdi tileımin.

Qosh, Ábý

Dala pochtasy, 22107 A

3 avgýst 1945 j

---