Joshy han kesenesi
Qazaqstan jerinde qaıtalanbas bitimdi tarıhı eskertkishter óte kóp. Sonyń ishinde tarıhı taǵdyrymen, sáýlettik-kórkemdik bitimimen aıryqsha kóz tartatyndardyń biri — Joshy han kúmbezi. Kúmbez Jezqazǵan qalasynan soltústik-shyǵysqa qaraı 50 km jerde, Keńgir ózeniniń jaǵasynda ornalasqan. Kúmbez Altyn Ordanyń negizin salýshy, qazaq handarynyń arǵy atasy — Joshy hanǵa arnap salynǵan. Ertedegi qazaq ańyzdarynyń birinde Shyńǵys hannyń úlken uly Joshy qulan aýlap júrip, nókerlerinen alysqa uzap ketedi. Osy kezde qulandar úıiriniń bir aqsaq qulany Joshyǵa tap beredi. Aqsaq qulan shabýylynyń tegeýrindi bolǵany sondaı, Joshy han atynan qulap, qaza tabady.
Joshy han kúmbezine júrgizilgen qazba jumystary kezinde kúmbezdegi eki qabirdiń bireýindegi adam súıeginiń oń qoly joq ekendigi anyqtalǵan. Bul «Joshyny ań aýlap júrgende qulannyń aıǵyry shaınap óltirdi» nemese «Joshyny jerlegende bir qoly joq bolǵan» degen halyq ańyzyna sáıkes keledi. Ekinshi qabir Joshynyń úlken báıbishesi Bektýmyshtiki bolsa kerek.
Kúmbez shamamen 1228 jyly boı kótergen. Onyń keregesi órnektelgen kirpishtermen qaptalǵan. Biraq búginde ol órnektelgen kirpishterdiń jekelegen synyqtary ǵana saqtalǵan. Qos qabatty záýlim kúmbeziniń syrtqysy kórkemdik úshin bederli kirpishtermen áshekeılengen. Kúmbezdiń ishki jaǵynda Joshynyń qaramaǵynda bolǵan oǵyz, arǵyn, qypshaq, kereı, naıman, qońyrat, qańly, t.b. taıpalardyń tańbalary salynǵan.
Oqýǵa keńes beremiz:
Aqsaq qulan — Joshy han (V nusqa)
Alasha han hám onyń balasy Joshy han týrasynan qazaq arasynda bar sóz
You Might Also Like
-
Janqoja Nurmuhameduly (1774, qazirgi Qyzylorda obl. Qazaly aýd. Aryqbulaq a. — 1860, Qyzylqum) — batyr. Syr boıy qazaqtarynyń Hıýa, Qoqan handyqtarynyń ezgisine jáne Reseı otarshylaryna ...
-
«Jeti» sanyn qasıetti sanaǵan qazaq halqynda «jeti qazyna» degen sóz bar. Ol — adamdardyń kúndelikti paıdalanyp, qoldaryna ustap júrgen nárseleri. Jeti qazynaǵa qazan,...
