InfoHub Logo

Bala kezimde armanymda shek bolmaýshy edi. Kórgen de,  kórmegen de nársemdi armandaýshy edim. Óse kele, aqyl-oıym tolysyp, ómirdi shynaıy beınesinde qabyldaı bastaǵandyqtan, armanymnyń baǵyty da ózgerdi. Meniń armanym - jýrnalıs bolý.

Elbasymyz N.Á.Nazarbaev: «Jarqyn bolashaq-jastardyń qolynda» degendeı bizdiń bolashaǵymyz óz qolymyzda. «Sen de bir kirpish dúnıege,ketigin tap ta bar qalan», - dep halqymyzdyń uly aqyny,oıshyly, qara sózdiń qas sheberi Abaı Qunanbaev atamyz aıtyp ketkendeı, kez kelgen adam «ómir» atty dúnıeniń tabaldyryǵyn attaǵannan keıin óz ornyn tabýǵa tyrysady, ıaǵnı ósedi, ónedi, «eńbekpen tapqan nan tátti» demekshi, qalaǵan mamandyqtarynyń qyzyǵyn kóredi. 

Mamandyq tańdaý – adamnyń jas shaǵynda qabyldaıtyn eń mańyzdy sheshimderiniń biri. Bala kúnderimnen bastap,  teledıdardan sóılep jatqan aǵa - ápkelerimnen úlgi alyp, olardyń sóıleý mánerine ǵashyq boldym. Eseıe kele, bul arman- alǵa qoıǵan maqsatqa aınaldy. Jýrnalıs – qarapaıym halyq pen joǵarǵy bılik arasyndaǵy altyn kópir. Tarazynyń basyn teń ustaı alar tulǵa, ol- jýrnalıs. Jýrnalıstiń oıy ushqyr, kez kelgen jaǵdaıǵa daıyn, tózimdi bolý tıis. Aqparat kózi qaıda bolsa, sol aqparatty birinshi bolyp halyqqa jetkizýdiń joldaryn qarastyrý kerek.

Mine, mende bıyl 11-synypty bitirgeli otyrmyn. Men bolashaqta naǵyz jýrnalıs bolǵym keledi. Halyqpen birge tynystap, elimizde bolyp jatqan jańalyqtyń jarshysyna aınalýdy armandaımyn. Meniń oıymsha, bul mamandyqtyń qyr-syry óte kóp. Bul mamandyq ádebı tildi, saýattylyqty qajet etedi dep túsinemin. Árdaıym gazet-jýrnaldardy oqı otyryp, ár taqyryptaǵy máselelerdi zerdelep, oı eleginen ótkizip otyramyn. İzdene otyryp, meniń jýrnalısıkaǵa degen qulshynysym arta túsedi.

Meniń maqsatym – tek qana jýrnalıs bolý emes, qoǵamǵa kerekti, elimizge eńbegi sińer, atqarǵan jumysymen úlgi bolar, naǵyz kásibı maman ataný. Búgingi kúnde jýrnalısıkanyń qyr -syryn tolyq bimesem de bul jolda aıanbaı eńbek etip, óz izimdi  qaldyrý, bilikti de bilimdi mamandardyń qatarynda bolý úlken arman. Al, arman adamdy baýlyp, úlken bir asýlarǵa jetkizetin dúnıe.

---