InfoHub Logo

Bir kúni han joldastarymenen, Jırenshe de bar jolmenen ketip baratsa, kún jel eken deıdi. Joldyń anadaı jerinen jelmenen bir qańbaq domalap baratyr eken. Sonda turyp han aıtypty deıdi:

— A, Jırenshem, anaý ketip baratqan qańbaq qaıda barady eken, bar sonyń jónin qaıda barady eken, qaıda qonady eken, sony surap baryp kel, — depti deıdi. Sonan Jırenshekeń:

Bas taqsyr! — dep qamshyny attyń baýyryna bir basyp qańbaqtyń artynan jóneldi deıdi. Sonan qańbaqty qýyp jetip aldynan shyǵyp toqtatyp, birdemeler aıtqandaı bolyp, qańbaqtyń qasynda biraz turyp aınalyp, hannyń qasyna barypty deıdi. Sonan han aıtypty deıdi:

— A, Jırenshem, qańbaqqa sóılestiń be, ne aıtady? —  depti. Jırenshe aıtypty:

— Sóılestim, taqsyr, qańbaq aıtady: «kósherimdi jel bilsin, qonarymdy saı bilsin» dep aıtady, — depti.

---