Káris mamandary Aqtóbe oblysynyń medısınasyna sıfrlyq tehnologıalardy engizýde
Ońtústik Koreıanyń IRM kompanıasynyń mamandary Aqtóbe medısınalyq ortalyǵynda PACS-júıesiniń serverin ornatty dep habarlaıdy Aqtóbe oblysy ákiminiń baspasóz qyzmeti.
Atalǵan júıeni sátti ornatý «Sıfrlyq medısına: Qazaqstan – Koreıa» yntymaqtastyq memorandýmyn iske asyrý sheńberinde jumystardyń nátejeli atqarylyp otyrǵanyn kórsetedi.
Osy tusta, Aqtóbe oblysynyń ákimi Berdibek Saparbaev IRM kompanıasynyń prezıdenti Sýng-Výk Choımen kezdesti.
Óńir basshysy IRM jáne PACS kompanıalarynyń ókilderine Aqtóbe medısına klasteriniń materıaldyq-tehnıkalyq bazasyn jetildirýge qosqan úlesteri úshin rızashylyǵyn bildirdi.
Atap aıtqanda, buryn qol qoıylǵan Joba qaıtarymsyz negizde júzege asyryldy, qarjylandyrý tolyqtaı Ońtústik Koreıalyq kompanıa ókilderi esebinen júrgiziledi.
PACS júıesi barlyq dıagnostıkalyq jabdyqty biriktirýge múmkindik beredi. Bul beınelerdi (tomografıa, flúorografıa, endoskopıa jáne t.b.) bir jerde saqtap, olardy jiberý jáne óńdeý prosesterin ońtaılandyrady.
Ornatylǵan jabdyqtyń quny shamamen 180 mln. teńge, sonymen birge júıeni jańartýmen qosa jyl saıynǵy tehnıkalyq qoldaý kórsetý de Ońtústik Koreıa tarapynan tegin júrgizilmek.
Oblystyń basqa medısınalyq mekemelerin birtutas aqparattyq júıege birtindep engizý josparlanýda, bul aýrýhanalar arasyndaǵy qarym-qatynasty jaqsartady jáne olardyń jumysyndaǵy sabaqtastyqty qamtamasyz etedi.
«Atqarǵan jumystaryńyz úshin alǵys aıtamyz jáne qol qoıylǵan memorandým negizindegi, ásirese emdeý mekemelerine sıfrlandyrýdy engizý máselelerindegi yntymaqtastyqty jalǵastyrýǵa qyzyǵýshylyq tanytatynymyzdy rastaımyz. Sondaı-aq, biz úshin dárigerlerdiń biliktiligin arttyrý da mańyzdy», – dep atap ótti oblys ákimi kezedesý kezinde.
Profesor Sýng-Výk Choı PACS júıesin engizý medısına klasteriniń jumysyn emdeý-dıagnostıkalyq prosesin zamanaýı kózqarasqa saıuıymdastyrýǵa jáne medısınalyq qyzmetterdi usynýdyń halyqaralyq standarttaryna jaýap beretin jańa sapaly deńgeıge qoıatynyń atap ótti.
«Barlyq medısınalyq mekemelerdi bir júıege engizý jobasy Ońtústik Koreıada byltyr iske qosylǵan. Búginde myń jarym ońtústik koreıalyq aýrýhana málimetter almasý júıesin jolǵa qoıdy. Qazaqstanǵa qatysty aıtar bolsaq, múmkindik bar jáne biz barlyq aýrýhanalardyń ózara málimetter almastyra alýlary úshin Aqtóbeden bastap, búkil aýrýhanalardy biriktirýge jumystanatyn bolamyz. Árıne, alda kóp jumys tur», – dep jetkizdi IRM prezıdenti. Kezdesý kezinde ol sondaı-aq, oblystaǵy emdeý mekemeleriniń jaraqtanýy men qolda bar kadr áleýetine joǵary baǵa berdi.
You Might Also Like
-
Qazirgi tańda 9 myńnan asa elordalyq turǵyn sıfrlyq saýattylyq kýrsynan ótti. Atalǵankýrsqa kelip jatqan adamdardyń sany kóp. Onyń ishinde egde tartqan adamdar, stýdentter men oqýshylar da bar.
-
Bir jumys bastaý nemese bir kýrsqa qatysý sekildi jańa nárse jasamaq bolǵan kezde, «bul isińniń keleshegi joq», «munyńnan túk shyqpaıdy», «isteıtin basqa tirligiń joq pa...
