InfoHub Logo

"Sizdiń kartańyz buǵattalǵan". Mundaı habarlama dúrbeleń týdyryp, eseńgiretip jiberedi jáne kóptegen suraqtar týyndaıdy. Onda meniń aqsham qaıda? Karta ne úshin buǵattalǵan? Endi ne isteý kerek? Buǵattaýdyń sebepteri onsha kóp te emes: bank Sizdi alaıaqtyq áreketterden qorǵaýǵa tyrysady nemese Siz bir nárseni buzdyńyz. Biz kartalardy buǵattaý jáne ony joıý tásilderi týraly tájirıbemizben bólisemiz.

Kerek bolǵan jaǵdaıda buǵattaý

Ózińizdi banktiń ornyna qoıyp kórińiz: Siz klıentterge qamqorlyq jasap, olardyń qaýipsizdigin qamtamasyz etýińiz kerek. Biraq kenetten Siz kúdikti áreketterdi baıqaısyz: karta boıynsha barlyq operasıalar Qazaqstan Respýblıkasynyń aýmaǵynda, sodan keıin bir ret — basqa elden jasalady. Keıde birneshe saǵat qana aıyrmashylyǵy bolýy múmkin. Bank muny kúdikti operasıa dep sanaıdy jáne kerek bolǵan jaǵdaıda, kartany da, operasıany da buǵattaıdy.

Shyn máninde, ıesi demalýǵa ketip, qonaq úıdegi kofe úshin tólem jasaýy múmkin.

Eger sheteldik saparǵa shyqqan kezde alǵashqy tólem jasaý barysynda karta buǵattalǵan bolsa, alańdamańyz — bul qaýipsizdik júıesiniń jumys istegenin kórsetedi.

Aǵylshyn tilinde tilińdi «burap», qyzaryp-qysylmas úshin, erterek daıyndalyp, bankke elden tys jerge shyǵatynyńyzdy eskertkenińiz durys.

Eger olaı jasamaǵan bolsańyz, sol jerden tikeleı bankke qońyraý shalyp, ózińizdiń kartanyń ıesi ekenińizdi jáne árbir operasıanyń maquldanǵanyn rastaýyńyz qajet.

Erejeniń aty ereje

Kartany ala otyryp, klıent pen bank taraptardyń quqyqtary men mindetterin belgileıtin shart jasasady. Eger klıent sharttyń talaptaryn oryndamasa, onda bank kartany buǵattaýǵa quqyly.

Kartany buǵattaý jaǵdaılary Qazaqstan Respýblıkasynyń Ulttyq Banki Basqarmasynyń 2016 jylǵy 31 tamyzdaǵy № 205 qaýlysymen bekitilgen Tólem kartochkalaryn shyǵarý qaǵıdalarynyń, sondaı-aq Qazaqstan Respýblıkasynyń aýmaǵynda olardy paıdalana otyryp júrgizilgen operasıalarǵa qyzmet kórsetý boıynsha qyzmetke qoıylatyn talaptardyń 80-tarmaǵynda jazylǵan.

1. Iesi urlanǵany nemese joǵalǵany týraly habarlady. Eger siz kúıeýińizdiń nemese ata-anańyzdyń kartasyn qoldansańyz, eń aldymen, olardyń bastamasy boıynsha aqshany paıdalana almaıtynyńyzdy naqtylańyz.

2. Karta ustaýshy shart talaptaryn oryndamaıdy. Mysaly, ol "plasıkti" úshinshi tulǵaǵa berdi nemese zańsyz kásipkerlik qyzmetten kiris alady.

Shartqa qol qoımas buryn ony oqyp shyǵý kerek. Sonda jaǵymsyz tosyn jaıttar da az bolady.

Zańnyń aty zań

Bank zańdy oryndaý úshin karta boıynsha shyǵys operasıalaryna shekteýler qoıýy múmkin.

1. Ýákiletti memlekettik organdardyń ókimi boıynsha. Mysaly, salyqty tólemegeni úshin, tergeý júrgizý ýaqytynda, alaıaqtyqqa kúdiktengendikten jáne t. b.

2. Sottyń nemese sot oryndaýshylarynyń bastamasy boıynsha.

3. QR Qarjy mınıstrliginiń Qarjy monıtorıńi komıteti tarapynan. Eger banktiń klıenti qylmystyq jolmen alynǵan qarajatty jylystatý jáne terorızmdi qarjylandyrý áreketterine kúdiktense, onda ol "qara tizimge" engiziledi jáne karta boıynsha shyǵys operasıalaryn buǵattaıdy. Bul klıentke tán emes iri somadaǵy operasıalar, QR QM QMK tizimindegi adamdardyń nemese uıymdardyń paıdasyna jasalatyn operasıalar bolýy múmkin.

Jalaqy kartalary úshin erekshe jaǵdaılar joq. Bank ony kez-kelgen basqa kartalar sıaqty buǵattaıdy.

Eger karta buǵattalǵan bolsa, ne isteý kerek

Eń aldymen, sebebin anyqtaý úshin bankke qońyraý shalý kerek. Mańyzdylyǵy: alaıaqtardyń qurbany bolmas úshin, tek qarjy uıymynyń saıtynan resmı nómirlerge ǵana qońyraý shalý kerek.

Budan ári buǵattaý sebebine baılanysty áreket jasaý kerek: ýákiletti organǵa júginý, shottaǵy aqshanyń zańdy shyǵý tegin rastaıtyn qujattardy bankke usyný jáne t. b.

Buǵattaýdaǵy eń jaǵymsyz nárse — adam belgisiz bir ýaqytqa deıin aqshasyz qalady. Keıde isti qaraý aptalar boıy júrgiziledi.  Kúnkóris shegine jetpeý úshin, ár túrli bankterde birneshe shottaryńyzdyń nemese qolma-qol aqshańnyń bolǵany jaqsy.

Eger bul bolmasa, onda Siz kepilsiz mıkrokredıt resimdeńiz.  Bul ýaqytsha qarjylyq qıyndyqtardy dostaryńyz ben men týystaryńyzdyń qatysýynsyz, óz kúshińizben sheshýge kómektesedi.

Eń bastysy — qaryz boıynsha tómen paıyzben nemese jeńildikti kezeńi bar qolaıly mıkroqarjy uıymyn tańdaý, bul aqshany artyq tólemsiz paıdalanýǵa múmkindik beredi. Alaıaqtardyń kózine túsý táýekeline jol bermeı, saıttan saıtqa kirmeý úshin, birneshe MQU usynystary bir paraqqa ornalastyrylǵan servısti paıdalanǵan artyq. Mysaly, Smartzaim.kz saıty. Árbir uıym saıt ákimshiliginiń tekserýinen ótken jáne klıentter arasynda joǵary bedelge ıe.

---