InfoHub Logo

Kele jatyr Jańa jyl!

(Balalar mýzyka áýenimen zalǵa tárbıeshimen kiredi).

Júrgizýshi: Qurmetti ata - analar, qonaqtar, balalar, Jańa jyl qutty bolsyn! Jańa jyl barlyqtaryna baqyt ákelsin!
Aý, halaıyq, halaıyq
Jyldy qarsy alaıyq!
Qýanaıyq, toılaıyq
Qyzyǵyna toımaıyq.
Jańa jylda bárimiz
Jaqsy tilek aıtaıyq!

1-bala: Qane, qurbylarym kelińder,
Shyrsha sánin kórińder.
Ásem ánmen bı bılep,
Án jyrlardy tógińder.

2-bala: Tyńdańyzdar, tyńdańyzdar,
Tańyrqap turmańyzdar,
Sándi shyrsha shaqyrady,
Baldyrǵan tobyn ortamyzǵa.

Júrgizýshi: Qarańdarshy balalar,
Ádemi myna shyrshaǵa.
Jyltyraıdy shamdary
Oıynshyqtary kóp eken.
- Balalar, shyrshamyzdyń shamy janbapty ǵoı. Qane shyrshamyzdyń shamyn jaǵyp alaıyq.
1, 2, 3 - Shyrsha shamy jan! (shyrsha janbaıdy)
Shyrshamyz áli janbaı tur, qane qatty shapalaqtaıyq, aıaǵymyzben jerdi taqyldataıyq.
(Shyrsha janady)

Júrgizýshi: Kelińder, balalar turmaıyq,
Án shyrqaıyq shyrshaǵa!

Án: «Jańa jyl».
(Qudyqtan daýystar shyǵady)
Sý adamy: Kómektesińder, búgin de lıft jumys istemeı qalypty ǵoı!
(Qudyqtyń ishinen shelek jerge qulaıdy. Qudyqtan aldymen Sý adamy, artynan Mystan shyǵady.)
Mystan: Oh, oh! Ázer degende shyqtym ǵoı, ústi - basymdy búldirdim ǵoı!
Sýshyl! Shashymdy jóndep jibershi!
Sýshyl! Myna jerde adamdar qaptap ketipti ǵoı!
Balalar, nege bul jerde jınalyp tursyńdar?
Mystan: Iá, sender nege sondaı ádemisińder?
Júrgizýshi: Sálemetsizder qonaqtar! Biz munda Jańa jyl merekesin qarsy alyp jatyrmyz.
Sý adamy: Qaıdaǵy mereke? (qolyn sozyp) Bul bizdiń jerimiz!(shyrshany kórip, tańǵaly)
Al mynaý ne aǵash?
Mystan: Oı, bul ne tań – tamasha!
Sý adamy: Oıbaı, ol bizdiń shyrshamyz ǵoı, ormanda ósip turǵan.
Urlap ketti, urlap ketti.
Biz shyrshamyzdy alyp ketemiz ǵoı ıá, Mystan?

Júrgizýshi: Sýshyl, Mystan, qarańdarshy, shyrsha qandaı ásem, kórikti.
Ádemi monshaqtaryn taǵyp alyp, sizderdi kútúde.
Balalardyń shyrshaǵa arnaǵan taqpaqtaryn tyńdańyzdar.

Jasyl jelek jamylyp,
Asyl monshaq taǵynǵan.
Mine sulý shyrshamyz,
Kópten kútip saǵynǵan. Sulý sándi shyrshaǵa
Kóz toımaıdy qarasań
Bizder úshin aıaz ata
Alyp kelipti ormannan
Tamasha, tamasha
Shyrshamyz tur jarasa
Basynda ásem juldyzy
Kóz toımaıdy qarasa
Qalyp edik saǵynyp,
Kútip aldyq jabylyp.
Jolyn qoıdyq jaryq qyp,
Shyrshalarǵa sham ilip.
Ádemilep biz ilgen,
Oıynshyqtar tizilgen,
Qandaı jaqsy shyrshamyz.
Án shyrqaıyq barshamyz,
Enjarlyqty tastaıyq,
Shyrsha toıyn bastaıyq.

Sýshyl: Qandaı jaqsy taqpaqtar, rahmet balalar! Al biz Mystan ekeýimiz senderge bı bılep beremiz.

Mystan men Sýshyl bı bıleıdi.

Mystan: Balalar, sender oıyn oınaǵandy jaqsy kóresińder me?
Al syrǵanaýdy she? Onda «Shańǵy tebemiz» oıynyn oınaıyq. Endi báriń elestetińdershi, muz ormanda shańǵy teýip júrmiz, aralarynan 2 bala shyqsyn, osy eki balanyń qaısysy márege birinshi jetse sol bal sol jerden syılyq tabady.
Sýshyl: Mine, mynadaı syılyq alady! Chýpa - chýps!
Mystan: E, chýpa - chýps jegileriń keldi me? Joq, bermeımin. Ózim jep qoıamyn.
Sýshyl: Qalaısha jep qoıasyń! Ol meniki. Ótirikshi! Toqta! Ustap alsam janyńdy shyǵaramyn! Olaı bolsa shyrshanyń shamyn óshiremin! (Qatty úrlep shyrshanyń shamyn sóndirip ketedi)

Júrgizýshi: Oı, qandaı qýlar! Bárimizdi aldap ketti ǵoı! Shyrshamyzdyń shamy sónip qaldy. Kómekke Aıaz - ata, Aqshaqardy shaqyraıyq.
Balalar: Aıaz - ata, Aqshaqar! Aıaz - ata, Aqshaqar!

Osy sátte Aqshaqar kirip keledi.
Aqshaqar: Sálemetsińder me, balalar, qonaqtar!
Qarly boran bolsa da,
Qoryqpaımyn, tońbaımyn.
Óıtkeni men, nemeresi ataıdyń,
Aqshaqar bolamyn.
- Sender nege kóńilsiz otyrsyńdar?
Júrgizýshi: Bizge qonaqqa Sýshyl men Mystan kelip, shyrshamyzdyń shamdaryn óshirip ketti. Shamdaryn qalaı jaǵarymyzdy bilmeımiz.
Aqshaqar: Shynymen de bul durys bolmapty. Aıaz - ata da jaqyndap qaldy. (oılanady)
Taptym. Kelińder meniń kishkentaı Ulpa qarlarym, bı bılep shyrsha shamyn jaǵaıyq.

Júrgizýshi: Áýeledi ánimiz
Jańa kirdi sánimiz.
Aqshaqardy ortaǵa alyp
Bı bıleımiz bárimiz.

Bı: «Aqshaqarlar». (bı sońynda shyrsha shamy janady)

Júrgizýshi: Aınala jar salyp,
Taqpaq aıtyp, án salyp.
Kútýdemiz Aıaz - atany
Bárimiz birge qarsy alyp.