InfoHub Logo

Bir kepter úlken qaıyńnyń salaly butaǵyndaǵy qalyń kók japyraqtardyń arasynda beıqam otyr eken, entige jalpyldap, joǵarǵy jaǵyndaǵy butaqqa montyq qara qarǵa kelip qonypty. Sodan keıin moınyn bir joǵary, bir tómen sozǵylap, óńeshin qyrnaı qarqyldaı bastaıdy. Qarǵanyń barqyldaq daýsynan kepterdiń qulaǵy bitip, basy zeńip, mazasy ketedi. Sonda da ózi biler dep, úndemeı shydap baǵady. Biraq qara qarǵa qarqyldaýyn toqtatpaıdy. Denesi túrshigip, berekesi qashqan kepter:

          — Oý, qarǵa, tań atqaly balapandaryma jem tasyp, ábden sharshap, myna qaıyńnyń saıasyna azdap demalaıyn dep otyr edim. Múmkin bolsa, biraz qoıa turshy, mazany almaı, – dep ótinedi.

          Óziniń ánine túsinbegenine qarǵanyń qabaǵy túsip ketedi. Tumsyǵy soraıyp, kilmıe qaraıdy:

          — Eı, osylaı sharshap otyrǵanda, kóńilińdi kótereıin dep, ádeıi saırap otyrǵan joqpyn ba?! – deıdi.

          Kepter óz ótinishin uqpaǵan qarǵaǵa tańdana qaraıdy da ári ushyp ketedi.

---