Bir ańshy ustaıdy eken ańdy qyryp,
İshine qalyń aǵash toryn quryp.
Bir kúni Arystanǵa kez bolypty,
Syrtynan qurǵan toryn baǵyp turyp.
Arystan aqyrdy oǵan aýzyn ashyp:
«Kóreıin, qımyldashy qarsylasyp!
Shekireıip: «Jan bitkenge patshamyn!» - dep,
Maqtanyp júrýshi ediń sýdaı tasyp.
Qaıratyń maqtanatyn qandaı eken,
Kel beri, baıqasalyq kúsh synasyp.
Adamym, ras bizge patsha bolsań,
Júrip kór aıaǵyńdy qadam basyp!»
«Arystan! Senen artyq emes kúshim,
Sózimdi iltıpatpen tyńdap, túsin.
Etetin meni artyq haıýandardan
Kúsh emes, ónerim men etken isim.
Ol ras, sendeı onsha batyr emen,
Maqtanshaq, ótirikke jaqyn emen.
Qanshama kúsh jetpeıtin qıyn isti
Ornyna keltiremin aqylymmen.
Bul saǵan aıtyp turǵan naǵyz shynym,
Shyndyǵyn kórseteıin qazir munyń.
Eger de sózim jalǵan bolyp shyqsa,
Jeısiń ǵoı sonan soń da, jaryqtyǵym!
Sen qara: qyldaı órmek anaý turǵan,
Men edim azaptanyp sony qurǵan.
Kishkene jelge de ózi selkildeıdi,
Kóresiń, temir emes ıa tas qorǵan.
Júrsem de qaıratyńa syrttan qanyp,
Kózimmen kórgenim joq áli anyq.
Áýeli men óteıin ar jaǵyna,
Ótersin, myqty bolsań, buzyp-jaryp».
«Tursyń ǵoı kúsh synarǵa qyldaı tormen,
Ol túl, baıqasqanmyn onan zormen.
Sen baryp, ar jaǵynda daıar bop tur,
Jetermin men de qazir týra jolmen».
Jóneldi kóp sóılemeı adam paqyr,
Qýanyp jyldam júrip bara jatyr.
Datynan tor-torlardyń ótip alyp,
Turdy endi: «Kelseń, kel, - dep, - bizdiń batyr!».
Arystan shapty torǵa atqan oqtaı,
Qomsynyp, beıne aldynda nárse joqtaı.
Óte almaı tordy buzyp, shyrmatylyp,
Sol jerde qolǵa tústi urmaı-soqpaı.
Oralyp jatty torǵa Arystanym,
Aqyldan bildi kúshtiń qalysqanyn.
Terisin Arystannyń soıyp alyp,
Oljaly qaıtty ańshy danyshpanym.

* * *
Bul jazǵan bozbalaǵa bir ósıet,
Ónersiz qara kúshte joq qasıet.
Oılamaı, kúshke senip etken istiń
kirary ár ýaqytta basqa tıed.
Demeımin kúsh kereksiz adamzatqa,
Óner, oı onan da artyq mal men baqqa.
Ónerdiń joqtyǵynan azyp júrmiz,
Paǵyz bul Arystandaı bolmasaq ta.
Bul kúnde kúshten oıdy buryn jumsa,
Qara kúsh báıge almaı júr osy shaqta.
Amal et zamanyńnyń yńǵaıyna,
Báıgesiz qur laǵyp bosqa shappa.
Aqyldan kúshińdi artyq kórip júrseń,
Jadyńa bul keńesti oqyp saqta!

---