InfoHub Logo

Kitap-rýxanı sarqylmas qazyna. Kitap oqý arqyly adamnyń oılaý qabileti artyp, ishki jan dúnıesi tynyshtalady. Kitap bul mıǵa arnalǵan jattyǵý ispettes. Kitapty oqý arqyly biz mıymyzdy jattyqtyryp, este saqtaý qabiletimiz de artady. Jastaıynan tulǵa bolyp qalyptasyp osy ómirde óz ornyn taba bilý úshinde kitap oqýdyń mańyzdy ekeni bárimizge málim. Qazirde kitapty keıbireýler óziniń xobbıi retinde ermek úshin oqysa, endi bireýleri kitaptan ǵylym men bilim izdeıdi. Bilimniń qaınar bulaǵy men ómirińe jańa izdenis pen kúsh jiger beretin motıvasıalyq arqaý bolatyn da bul kitap der edim. Sebebi kitap aqylyna aqy suramaıtyn eń qundy qazyna bolyp tabylady. Qazirde kitap oqýǵa bizdiń múmkinshiligimiz kóp. Texnologıanyń damýy arqasynda biz kitapty elektrondy nusqada da oqı alamyz. Biraq kitapty shyn ómirde ustap onyń ár sózine úńilip, kerek sóılemderin túrtip alyp, ár paraǵyn sezine oqýǵa ne jetsin! Kez kelgen aqparatty alý úshin qazirde ǵalamtorǵa júginetin kóptegen jastardyń kitap oqýǵa yntasy joq. Munyń birden bir sebebi bala erte jastaıynan kitappen emes , uıaly telefon, túrli planshet, gadjettermen dos bolýynda. Múmkin zaman talaby sol shyǵar. Menińshe bala erte jastan kitappen dos bolsa, bolashaqta ol kózi ashyq, kókiregi oıaý adam bolyp qalyptasady. Biraq kópke topyraq shashýdan aýlaqpyz. XXI ǵasyr bilektiń kúshimen emes, aqyldyń, bilimniń kúshimen ózin kórsetýge mindetti. Sol sebepti de elimizde óziniń kúndelikti damýy úshin kúresetin óz arman maqsattaryna jetý úshin aıanbaı eńbek etetin jastarymyz óte kóp. Jáne bul óte qýantarlyq ári maqtanyshpen aıta alatyndaı jaǵdaı. Sonyń ishinde men de barmyn desem artyq aıtpaspyn. Óz basym shyny kerek  kitap-adamnyń oıyn jetildirip, saýatyn joǵarylatyp, bilim nárimen sýsyndatyn rýxanı mol mura ekendigin óse kele túsinidim. Túsine kele, kitapty tek bos ýaqytta ǵana emes kúndelikti arnaıy ýaqyt bólip, zeıin qoıyp sol oqyǵan azyǵyńdy óz basyńnan saraptap, tujyrymdama jasaý arqyly neniń burys neniń durys ekenin bilý arqyly oqyǵan mańyzdy ári tıimdi ekenine de kózim jetti. Sondyqtan da meniń kúndelikti kún tártibimde 30-40 mınýt tańerteńgi ýaqytta kitap oqý mindeti jazylyp turady. Kóbinese shetel avtorlarynyń jazǵan motıvasıalyq ári adamzat damýyna úlken kúsh beretin kitaptaryn janym súıedi. Sonyń ishinde Hel Elordtyń "Magıa ýtra", Djon Kexonyń "Podsoznanıe mojet vse", Endrı Mettústiń "Jıvı legko", Qýanysh Shonbaı aǵamyzdyń "Ekinshi bolma", "Qupıa" atty derekti týyndylary qatty unaıdy. Bul kitaptar meniń jeke damýym men oılaý qabiletime tipti kúndelikti kún tártibimdi de durys qoıýǵa deıin úlken kómegin tıgizgen rýxanı mol azyq bolǵan kitaptar desem artyq bolmas. Kitap bul rýxanı baılyqtyń kilti. Kitap oqyǵan adam  bilim kókjıegi keń, sózdik qory baı , mádenıetti, baısaldy, tez sheshim qabyldaýǵa beıim, óz pikirin erkin jetkize alatyn bolady. Jalpy jaqsy kitap oqý  ómirde jeke tulǵa bolyp qalyptasýǵa  kómektesedi. Sonymen qatar mundaı adamdardyń ıaǵnı joǵaryda kórsetilgen sıpattamalarǵa keletin  ómirde óz ornyn tapqan jeke tulǵanyń da qoǵamda orny erekshe ári joǵary. Onyń bul qasıetterin basqa adamdar qurmetteıdi ári baǵalap, syılaıdy, ózderine úlgi retinde kóredi. Demek bul degenimiz ózimizge ǵana emes jalpy aınalamyzdaǵy dostarymyz ben jaqyndarymyzǵa da úlken serpin beredi jáne olarda kitap oqýǵa belsendi bolady. Dál osyndaı qarqynmen, ári sıklmen júretin bolsaq óskeleń urpaqtyń da oı órisin damytýda, saýaty men ómirge degen talaby men sanasyn arttyrý da dárejege saı bolatynyna kúmánim joq. Qaı zamanda bolmasyn, adamzat aldynda turǵan uly murat – mindetterdiń eń bastysy – salaýatty, sanaly urpaq tárbıeleý emes pe?. 

Qorytyndylaı kele aıtarym eń bastysy kitaptyń janǵa rýxanı azyq bolar qasıetin túsiný. Ár oqyǵan kitaptyń sóılemindegi sózderine mán berip, odan áser alyp, taǵlym túıý. Kitap oqýdy ómirlik daǵdyǵa aınaldyra bilýdiń adamǵa bereri mol.

Qojaxmet Aınur Bolatqyzy

---