InfoHub Logo

On bes jasynda Jırenshe naǵashysyn izdep bara jatyp, bir túıe baqqan adamǵa jolyǵyp, buny surap turǵan jeri jańada ǵana kóshken aýyldyń jurty bolady. Jırenshe jurtqa qarap turyp:

— Mynaý úıde eki qatyn bar eken.

Ekinshi úıdiń jurtyna qarap:

— Mynaý úıde eki sulý qyz bar eken.

Úshinshi jurtqa qarap turyp:

— Mynaý úıdiń ıti kóp eken, — deıdi. Sonda túıeshi:

— Qaıdan bildiń? — degende,

— Eki kúndes qatyny urysyp otyryp, kóseýmen ottyń basyn qazyp tastapty. Eki qyzdyń barlyǵy, sulý bolý úshin belderin jińishkeleý úshin eki talmen arqan túsetip jatqandaǵynan bildim. Úshinshi ıttiń kóbin shuńqıyp turǵan quıryǵyn ornymen talasyp, qazǵan aıaqtarynyń ornynan
bildim, — depti. Túıeshiniń óz aýlynyń jurty bolady. Jolaýshy balanyń aıtqany dál kelgenine tańdana qarap:

— Shyraǵym balam, qaıda barasyń, kim bolasyń? — depti.

— Atym — Jırenshe, naǵashyma baram, — deıdi.

— Ómirli bolyp er jetseń, tegin adam bolmassyń. Kún keshkirip qaldy. Ana beldiń astynda aýyl bar. Balasy joq bir adamnyń áıeli búgin bosanyp, áıel bala tapty. Búgin sonyń shildeqanasy bolady. Sol qyz oınaqqa kir, eshkim qýmas. Myna bilimiń turǵanda, — deıdi. Túıeshi aıtqandaı álgi aýylǵa kelse, qyzoınaq qazaqtyń qart májilisine qatysyp, túnimen oıyn-saýyqta bolǵan Jırenshe uıyqtap ketse, tús kóredi. Túsinde: «Jańa týǵan osy qyzdy on bes jasqa kelgende sen áıeldikke alasyń», — deıdi. Bala qýana oıanyp, óz jónine júrip ketedi.

Ekinshi ret naǵashysyna kele jatqanda jolshybaı aýyldyń syrtynan ótip, kún jaýady. Buzaý jamyraıdy. Tezek ákele jatqan balalar jaýynnan qashyp, tezekterin tógip, úıine ketkende bir qyz eki buzaýyn ustap jamyratpaı, tezegin qabyn yqtap otyryp qalady. Muny kórgen Jırenshe kelip:

— Jaýynnyń astynda nege otyrsyń? — deıdi. Sonda qyz:

— Aqymaq balalar buzaýyn jamyratyp, tezegin tastap ketti. Kóılegim sý bolsa kebedi, — depti. Osy qyz Qarashash bolady. Jırenshe úılenedi.

---