InfoHub Logo

«Tanym» bilim berý salasy
Bólimi: «Qorshaǵan orta»
Taqyryby: «Kólikter»
Maqsaty: Balalarǵa kólik týraly túsinik berý. Kólik túrlerin erekshelikterine qaraı toptastyryp (jerde, sýda, áýede), atqaratyn qyzmet aıasyna qaraı salystyra bilýge úıretý. Olardyń qyzmetiniń mańyzdylyǵy týraly uǵymdaryn keńeıtý.
Ádis - tásili: Túsindirý, suraq - jaýap, saıahat, oıyn.
Kórnekiligi: Taqyryp mazmunyna baılanysty sýretter, teledıdar, DVD.
Pán aralyq baılanys: Til damytý, orys tili, qurastyrý, matematıka, mýzyka.

Motıvasıalyq qozǵaýshy.
«Amandasý rásimi»
«Aıgólek» atty baqshanyń,
Tárbıeli balasy.
Aldymenen úlkenmen,
Amandasyp alady.
Qaıyrly tań apaılar!
Qaıyrly tań dostarym!

Oı qozǵaý: Balalar erte zamanda kólik túrleri bolmaǵan kezde adamdar alys jerlerge qalaı barǵan? Aýyr júkterdi bir jerden ekinshi jerge qalaı jetkizgen?
Balalarǵa erte zamanǵy kólikter týraly qysqasha túsinik berý. Sýret boıynsha áńgimeleý.
Balalar erte zamanda kólik túrleri bolmaǵan kezde adamdar kólik retinde jáne júk tasý úshin úı janýarlaryn paıdalanǵan. At, túıege arba jegip adam, júk tasymaldaǵan. Alys jerlerge jetý úshin aılap, jyldap júrip barǵan.

Uıymdastyrýshy – İzdenýshilik.
Balalardy oqý is - áreketiniń taqyrybymen tanystyrý.
Balalar qazirgi ǵylym men tehnıka damyǵan zamanda kólik túrleri óte kóp.
Kólikter áýe, sý jáne jer kólikteri bolyp úshke bólinedi.
Áýe kólikterine ushaq, tikushaq, zymyran jatady.
Sý kólikterine keme, qaıyq, jelkendi qaıyq jatady.
Jer kólikterine mashına, motosıkl, avtobýs, velosıped, poezd t. b jatady.
Tosyn sát: Telefon shyryldaıdy.
Telefonmen sóılesip, balalarǵa qoıannyń qıyn jaǵdaıǵa tap bolǵanyn, oǵan kómek kerek ekenin aıtý.
- Balalar qoıanǵa kómektesemiz be?
- Ol úshin aldymen barlyǵymyz sıatyn kólikti tańdap alýymyz kerek.
Balalarǵa teledıdardan avtobýs túrlerin kórsete otyryp, túsinik berý.
Júrgizýshi tańdap alý.

Hor: «Kóńildi dostar».
- Balalar biz úlken kólge keldik, kólden qalaı ótemiz? Balalardyń nazaryn teledıdarǵa aýdaryp, sý kólikteriniń túrlerin kórsetý, túsinik berý
- Balalar myna konvertte bizge tapsyrma berilgen.

Tapsyrma: Geometrıalyq pishinderden sý kóligin qurastyrý.
Qaıyqty esip otyratyn bala tańdap alý.
- Balalar men senderge jumbaq jasyramyn, onyń sheshýi aldymyzdaǵy úlken taýdan ótýge kómektesedi.
Qustan aýmaıdy
Kókte zaýlaıdy.(ushaq)
Teledıdardan áýe kólikterin kórsetip, olarǵa túsinik berý. Qyzmetiniń mańyzdylyǵyn aıtyp ótý.
- Balalar aldymyzdaǵy úlken taýdan ushaq bolyp ushyp óteıikshi.
- Káne balalar myna ormannan qoıandy taýyp alaıyq.
Qoıan: Balalar maǵan kómektesý úshin alys jol júrip keldińder, senderge alǵysymdy bildiremin.

Oıyn: «Ushty - ushty».
Sharty: Ushatyn zattardy aıtqanda qoldaryn joǵary kóteredi.
Qoıan: Balalar óte aqyldy jáne qaırymdy balalar ekensińder, endi meniń ketýim kerek, kójekterim kútip qalǵan shyǵar.
Saý bolyńdar, senderge kóp rahmet.
Balalarǵa temirjoldy kórsetip, qandaı kóliktiń joly ekenin suraý.
Balalardyń nazaryn teledıdarǵa aýdaryp, poezd týraly túsinik berý.
Poezdyń adam jáne júk tasymaldaıtyn túri bolady.
Poezdyń kóp vagondary parovozǵa tirkeledi.
Poezdy mashınıst júrgizedi.
Káne poezdy júrgizetin mashınıst tańdap alaıyq.

Refleksıvti korreksıalaýshy.
Dıdaktıkalyq oıyn: «Ne qaıda júredi?».
Sharty: Kólemdi beıneli sýret arqyly kólikterdiń júrý joldaryn taýyp, kólikterdi ornalastyrý.
Suraq - jaýap ádisi arqyly balalardyń oqý is - áreketinde alǵan bilimderin qorytý.
Balalardy sheńberge turǵyzyp, oqý is - áreketine belsene aralasqan balalardy maqtap, madaqtaý.
Qol ustasyp turaıyq,
Sheńberdi biz quraıyq.
Kóriskenshe kún jaqsy
Saý - salamat bolaıyq.
Saý bolyńyzdar!

Kútiletin nátıje:
Meńgeredi: Kólik túrlerin erekshelikterine qaraı toptastyra bilýi.
Igeredi: Tapsyrmalardy oryndaıdy.
Qoldanady.: Kúndelikti ómirde kólik qyzmetin qoldanady.