InfoHub Logo

Dúsenova Meıramgýl Berdybekovna

Balanyń balabaqshaǵa úırenýi

Sizdiń balańyz balabaqshaǵa alǵash barǵan kezde, ol úshin birinshi ret anasynan ajyrap ózine tanys emes úlken adamdar men bir top balalardyń arasyna túsýi bolyp tabylady. Bala úshin óziniń otbasynda ózin ustaý erejeleri qalyptasyp qalǵan. Balabaqshaǵa kelgen kúnnen bastap úırenshikti ómir súrý ortasy ózgeredi.
Bul neden kórinis tabady?
- Balanyń emosıonaldy jaǵdaıy, uıqysy, tábeti nasharlaıdy;
- dene qyzýy kóterilýi múmkin;
- bala boıynda qalyptasyp qalǵan jaqsy qasıetteriniń joǵalýy múmkin;
- ımýnıtettiń tómendeýi, salmaǵynyń azaıýy múmkin.
Bala ortaǵa beıimdelgennen keıin emosıonaldy jaǵdaıy qalpyna keledi. Ortaǵa deńgeıdegi beıimdelýde alǵashqy aılarynda bala tumaýmen aýyrýy múmkin, al ortaǵa qıyn beıimdelse balanyń emosıonaldy jaǵdaıynyń qalpyna kelýi uzaqqa sozylýy múmkin. Osynyń barlyǵy balanyń kelesideı is qımyldarynan baıqalady: balanyń tyǵylyp qalýy, qabyldaý bólmesinde otyrýy, anasyn qaıta - qaıta shaqyrý.
Balanyń ortaǵa beıimdelýi nege baılanysty:
Balanyń jasyna baılanysty. 2 jasqa tolǵannan keıin balanyń ortaǵa beıimdelýi ońaı júredi. Olardyń ortaǵa degen qyzyǵýshylyǵy joǵary bolady, nazarlaryn basqaǵa aýdarý jeńildirek, aıtqan sózderdi naqty túsinedi jáne tynyshtandyrý ońaı.
Balanyń jasy men densaýlyǵynyń jaǵdaıyna baılanysty;
Balanyń jekelegen ereksheligine baılanysty;
Bıologıalyq jáne áleýmettik faktorlarǵa baılanysty;
Beıimdelýge degen daıyndyǵyna baılanysty (balanyń basqa ortaǵa qanshalyqty baryp kórgendigi, týysqandaryna, demalysqa jáne de basqa jaqtarǵa baryp ózimen jasty balalarmen qanshalyqty aralasyp kórgendigine baılanysty).
Balaǵa basqa ortaǵa beıimdelý kezinde qalaı kómek berý kerek?
Kishkentaı bala ata - anasymen tyǵyz baılanysta bolady. Bala qanshalyqty kishkentaı bolsa, sonshalyqty ata - anasymen baılanys ol úshin mańyzdy bolyp tabylady. Sondyqtan balanyń qoǵamǵa degen kózqarasyn qalyptastyratyn ata - anasy.
Balamen ózine tikeleı qatysty máselelerdi ashyq talqylaıdy bilý kerek. Qazirgi ýaqytta balanyń ómirinde ne bolyp jatyr, ne bolý múmkin degen suraqtardyń jaýaby ekeýara taba bilýińiz qajet.
Balamen onyń kúndelikti balabaqshaǵa barýyn jáne onyń ómirin baqylaýda ustaǵanyńyz durys. Bala anasynyń janynda beıtanys adamdarmen aralasýdy olarǵa suraq qoıýdy úırenedi. Osydan keıin balanyń boıynda balabaqshaǵa kelip ózimen jasty balalarmen oınaýǵa, tárbıeshilermen sóılesýge degen ynta bolady.
Balanyń álemdi óz erkimen tanýǵa degen quqyǵy bar!
Balaǵa óz pikirin bildirýge múmkindik berseńiz. Ata - ananyń tek baǵdar bere alady. Balaǵa sizder ne qalasańyzdar sony jasaý mindetti emes. Óz oılaryńyzdyń durys ekendigin dáleldep, balaǵa sony jasatýǵa tyryspańyzdar. Jańa ortaǵa, jańa álemge bala ózi beıimdeledi. Ol onyń birinshi tájirıbesi bolady. Bala úshin jańa adamdar, olardyń jańa tártipteri bul - stress.
Balany qalaı balabaqshaǵa daıyndaý kerek?
Balanyń balabaqshaǵa barýy epıkrızıstik kezeńderge: 1j 3a, 1j 6a, 1j 9a, 2j 3a, 2j 6a, 2j 9a, 3j túspeýi kerek.
Balabaqshadaǵy kún tártibin aldyn ala bilip, balanyń úıdegi kún tártibin soǵan uqsas jasaýǵa tyrysý kerek.
Balanyń balabaqshaǵa úırengendigin qalaı bilýge bolady?
Ol úshin kelesilerdi baıqaımyz:
- uıqysynyń jaqsarýy;
- tábetiniń jaqsy bolýy;
- emosıonaldy jaǵdaıynyń turaqty bolýy;
- úırenshikti qylyqtary men bilimderiniń qalpyna kelýi;
- belsendiliginiń artýy;
- salmaǵynyń artýy;
Jyl saıyn balalar dárigerlik tekseristen ótýi tıis. Eger bala aýyryp qalsa, onda balabaqshaǵa jazylǵannan keıin eki aptadan soń qabyldaıdy. Sonymen qatar balaǵa qajetti egýlerin ýaqytynda jasap turǵanyńyz durys. Barlyq berilgen keńesterdi oryndaıtyn bolsa, balanyń balabaqshaǵa beıimdelý kezeńin jeńildetesizder.