InfoHub Logo

a) Pán júıesimen oqytqanda, pánder jeke-jeke óz jolymen júretin, biriniń arbasyna biri soqtyqpaıtyn, eń uqsatqanda az-maz jarysa úzeńgi qaǵysa oqylatyn.

Kompleks júıesimen oqytqanda, pánder birigip bir jolmen, bir arnamen aǵyp, aıqasyp, aralasyp oqylady.

b) Pán júıesinde muǵalimder árqaısysy óz pánin oqytyp, ózgege burylmaıtyn, jazalasa, biriniń sabaǵyna biri qaıshy kelip, birinikin biri ótirik qyp otyratyn, ásirese, din moldasy men pán moldasy shartpa-shurt túse beretin.

Kompleks júıesinde muǵalimder arasynda ala aýyzdyq bolmaıdy, din moldasy mekteptiń qarasyn kórmeıdi. Molda balaǵa ıkemdenedi: balanyń suraýyn qyzyq kórgenin eske alyp balanyń ózine tapqyzady, isteýge tyrysady.

e) Pán júıesinde ómirdi, qubylysty qolma-qol zertteý degen joq, barlyq bilim kitapta bolatyn, bilimdi tájirıbe arqyly balanyń óz kózi jetip tappaıtyn, muǵalimniń sózine senetin, oqý zamannan aýlaq qalatyn.

Komplekste bala ómirdi, qubylysty ózi baqylaıdy, zertteıdi, tájirıbe qylady, oqýdy zamanǵa tirep, zamanmen baılanystyryp oqıdy.

j) Pánderdi bólshekten oqytý balanyń jan júıesine qarsy. Bala nárseni tutas túrinde, iske paıdaly jaǵynan qarap, uǵyp biledi, bólshegin, taraýyn, qımylyn elemeıdi.

Kompleks tutas, túıdek túrde uqtyrady, balanyń jan júıesine týra.

d) Pán júıesinde saǵat saıyn pánder almasyp, aýysyp otyratyn da, balanyn yntasyn birde-birine turaqtatpaı, alań qylatyn, komplekste sabaq úzdiksiz birinen-biri týyp, birine-biri jalǵasyp otyrady, bir saǵatta bitpegen nárse ekinshi saǵatta zertteledi. Tynys degen sabaqtyń arasyn jikteý úshin emes, dem alý úshin, boı kóterý úshin isteledi. Balany birden-birge alańdatpaıdy.

e) Pán júıesinde adamnyń tirshiligine kerekti, kereksiz kóp sózdermen, pikirlermen balanyń basyn tyǵyndap, mıqata qylatyn.

Komplekste kereksiz kóp materıaldar shaǵyndalady, suryptalady, tek eńbek pen jaratylysqa, qoǵamǵa qatynasy bar, ómirge kerektileri alynady.

---