InfoHub Logo

                                                        Konstıtýsıa – elimizdiń Ata Zańy

         Eldiń ishki tutastyǵyn saqtaý úshin belgili bir erejeler kerek. Osy maqsatta Qazaq eli egemendigin alǵannan bastap, ishki tártipti retteýge tyrysty. Konstıtýsıamyz qysqa merzimde ázirlenip, halyq talqylaýynan ótken soń qabyldandy.

        Ata Zańymyz – tarıhı jeńistiń, halqymyzdyń arman-múddesin zań júzinde aıqyndaǵan, búkil álemge Qazaqstan degen azat eldiń bar ekendigin pash etken bedeldi qujat. Konstıtýsıamyzda táýelsiz elimizdiń damý baǵyty, basqarý júıesi, bılik tarmaqtary jarıa etilgen. Qazaq halqynyń zań júıesi sonaý XVI ǵasyrdaǵy «Qasym hannyń qasqa jolynan» bastaý alady. Odan keıingi «Esim hannyń eski joly», «Jeti jarǵy» syndy dala zańdarynyń negizinde quqyqtyń memleket qurý ıdeıasy Qazaq dalasynda júzege asa bastady.

       Konstıtýsıa árbir Qazaqstan azamatynyń zańda belgilengen múmkindikterin qamtamasyz etýshi. Kez kelgen azamat Konstıtýsıalyq quqyǵyn paıdalana otyryp, zań sheńberinde áreket ete alady. Konstıtýsıa – elimizdiń negizgi Zańy. Memleketimizdiń ishki, syrtqy saıasatynyń negizgi baǵyttaryn kórsetýshi. Respýblıkamyzda engizilgeli jatqan kez kelgen zań Konstıtýsıaǵa súıene otyryp jasalynady. Ata zańymyz qazaq halqynyń beıbitshilik súıgish, tolerantty halyq ekendiginiń kórinisi. Ultyna, násiline, dinine qaramaı, azamattarynyń quqyǵy ardaq tutylǵan elimiz tatýlyqtyń órnegi. Konstıtýsıamyzda elimizdiń demokratıalyq memleket ekendigi kórsetilgen. Demek, Konstıtýsıamen ómir súrý – demokratıanyń eń joǵarǵy satysynda bolýdy kórsetedi. Ata Zańymyz – halyq tańdaýy bolǵandyqtan ony árdaıym qurmetteýimiz kerek. Adam ómiri men bostandyǵy eń joǵary qundylyq dep baǵalanǵan Konstıtýsıamyzdyń qoǵam ómirinde alatyn orny erekshe. Adam ómiriniń basty qundylyq ekendiginiń dáleli Konstıtýsıamyzdyń 9-bóliminiń ekeýi adamnyń bostandyǵy men azamattardyń quqyǵyna arnalǵan.

      «Bizdiń mindetimiz – Konstıtýsıaǵa erekshe qurmet bildirý» - dep Elbasymyz N.Á.Nazarbaev atap ótkendeı elimizdiń tarıhyn qalaı qurmettesek, Ata zańymyzdy solaı qadir tutýymyz qajet. Konstıtýsıaǵa qurmet kórsetip, onyń baptaryn múltiksiz oryndamaıynsha, qoǵamdaǵy kelisim men tártipti saqtaý múmkin emes. Demek, Otanymyzdyń bolashaǵynyń jarqyn bolýy tártipke baǵynýymyzda. Batyr babamyz aıtqandaı:                                                                                                         Tártipsiz el bolmaıdy,                                                                                                                                                                                                                   Tártipke baǵynǵan qul bolmaıdy.   

       Qorytyndylaı kele, Ata Zań – bizdiń kúndelikti júris-turysymyzdy retteıtin, qaýipsizdigimizdi qamtamasyz etetin eń mańyzdy qujat. Eldiń damýyna úles qosqysy keletin azamat sol qujatqa moıynsunyp ony qurmettemeıinshe, eldiń damýyn oılaý múmkin emes. Árbir azamat ony qadirlep- qasterleýge, ardaq tutýǵa mindetti.

---