InfoHub Logo

Batys Qazaqstan oblysy, Jańaqala aýdany,
E. Sh. Oraqbaev atyndaǵy JBBOM
qazaq tili men ádebıet páni muǵalimi
Jýralıeva Shynargúl Dáribaıqyzy

Sabaqtyń taqyryby: Leksıkadan ótkendi qaıtalaý (slaıdymen)
Sabaqtyń maqsaty:
Bilimdilik: Leksıka taraýynan ótkendi qaıtalaý, bilimdi jınaqtaý. Oqýshylardyń taraý boıynsha alǵan bilimderin alýan túrli tapsyrmalardy oryndatý arqyly tekserý.
Damytýshylyq: Óz betinshe izdenýge, oılaý qabiletterin arttyrýǵa yqpal etý, jyldam jaýap berýge jattyqtyrý. Oqýshylardy alǵan bilimderin taldaýǵa, jınaqtaı bilýge mashyqtandyrý.
Tárbıelik: Oqýshylarǵa ulttyq sport týraly bilim bere otyryp, olardy otansúıgishtikke, rýhanı baılyǵyn qalyptastyrýǵa, adamgershilikke, salaýatty ómir saltyna tárbıeleý.
Sabaqtyń túri:
Qıal - ǵajaıyp saıahat sabaǵy.
Sabaqtyń ádisi: toptastyrý, suraq - jaýap, izdenýshilik, taldaý.
Sabaqtyń kórnekiligi: keste, sózjumbaq, tanymdyq tapsyrmalar, sýretter.
Pánaralyq baılanys: astronomıa, orys tili, dene shynyqtyrý.

Sabaqtyń barysy:
1. Uıymdastyrý kezeńi.
2. Úı tapsyrmasy boıynsha jumys. 213 - jattyǵý(óz ertegilerin oqý)
3. Jańa sabaq. (Tylsym áýen estiledi. Qorqynyshty dybys shyǵady)
Bir kezde synypqa ózge álemniń adamy keledi.
- Sálemetsizder me, dostar! Men Neptýnnyń turǵynymyn, sizderdiń elderińizge qydyryp keldim. Endi óz álemime kete almaımyn, sebebi qupıa sózimdi umytyp qalyppyn.(jylaıdy)
Dostar, meniń qolymda faıl bar, onda ár túrli qıyn tapsyrmalar bar, biraq men olardy jalǵyz oryndaı almaımyn. Olardy oryndaý úshin biz galaktıkaǵa saıahatqa shyǵýymyz kerek. Ár planetanyń óz tapsyrmasy bar, al ár tapsyrmanyń ishinde erekshelengen árip - tańbalar bolady. Eger sol árip - tańbalardy tersek, meniń qupıa sózimdi tabamyz. Ótinem, maǵan kómektesińizdershi!
- Balalar, dosymyzǵa kómektesemiz be? Endeshe saıahatqa attanaıyq....(Oqýshylar sheńberge turyp, kózderin jumady. Tylsym áýen estiledi)
Galaktıkaǵa saıahat.

1. «Merkýrıı» tapsyrmasy. Tómende berilgen sózderdi sáıkestendir.
(Synyp, ún - taspa, kúpi, qudaǵı, shıit, kýb, qoza, sym, kereýet, nóker, saıajaı, ýázir, synyp)
Dıalektızmder
Neologızm - der
Termınder
Kónergen sózder
Kásibı sózder
Kirme sózder

2. «Sholpan» tapsyrmasy. Sózjumbaqty sheshińiz.
“Antonımder” vengr sózjumbaǵy. Sózderdi kez - kelgen baǵytta oqý arqyly 6 - jup antonımdy tabasyz.

3. «Jer» tapsyrmasy. «Jandy suraqtar» bul kezeńde oqýshylar beıne suraqtarǵa jaýap beredi.
4. «Mars» tapsyrmasy. Semantıkalyq kestemen jumys.
№ Sózder ----------------------- Tabý -------- Evfemızm ------- Dısfemızm
1 Kekildim
2 Aıaǵynyń syltymasy bar
3 Tóre jigit
4 Kók myljyń
5 Súmelek
6 Albasty
7 Qulaǵy múkis
8 Aýzy jeńil
9 Araılym
10 Ezbaldaq

5. «Iýpıter» tapsyrmasy. Berilgen sózderdiń sınonımin nemese balamasyn tabý arqyly jańa sóz jasańyz.

6. «Satýrn» tapsyrmasy. Berilgen áripterdi saǵat tilimen eki áripten tastap oqysańyz, maqal oqısyz. Ol qandaı maqal eken, taýyp kórińiz.

7. Oqýlyqpen jumys. Bul tapsyrma boıynsha oqýshylar oqýlyqtaǵy 225 - jattyǵýdy oryndaıdy. Sharty: maqaldy bir baǵanǵa, máteldi bir baǵanǵa terip jazyńyz.
- Balalar, mine biz barlyq tapsyrmalardy oryndap, dosymyzǵa kómektestik, endeshe qandaı sóz jasyrýly tur eken, taýyp kórelik? Kim aıtady?
- Bárekeldi, tamasha! Árıne, bul «Astana» degen sóz eken.
- Rahmet, dostar! Alaqaı, qupıa sóz tabyldy, endi men óz ǵalamsharyma qaıta alamyn. Sender jaqsy balalar ekensińder, bilimderiń de jaqsy, sizge kóp - kóp rahmet, sabaqtaryńdy jaqsy oqyp, ata - analaryńnyń aıtqandaryn tyńdańdar. Qoshtasatyn sát jetti.(İshteı birdeńe kúbirlep, kenetten ǵaıyp bolady)
Qorytyndy.
Leksıka neni zertteıdi? Dıalektızmder degenimiz ne?
Leksıkanyń salalaryn atańyz. Evfemızm, dısfemızm degenimiz ne?
Baǵalaý.
- Oqýshylar, búgingi sabaqqa barlyǵyńyz belsene qatystyńyzdar, sondyqtan barlyǵyńyz da baǵalanasyzdar.
Úı tapsyrmasy.
A - toby: «Leksıka patshalyǵy» taqyrybyna ertegi jazý.
B - toby: 230 - jattyǵý.